Almaty qalasy Óńirlik komýnıkasıalar qyzmeti alańynda - Almaty qalasy  Bostandyq  aýdanynyń ákimi Rahımbetov Altaı Erǵazyulynyń qatysýymen baspasóz konferensıasy ótti.

Bostandyq aýdanynyń aýmaǵy 9 myń. 943, 2 gektar. Turǵyndardyń sany – 336 481 adam.

A.j. qańtar-qazan aılary aralyǵynda memlekettik qazynaǵa salyq tólemderinen 298,4 mlrd. teńge qarajat tústi. Onyń ishinde 202,4 mlrd. teńge memlekettik búdjet, 96,5 mlrd. teńge jergilikti búdjet.   

Qazirgi tańda aýdan aýmaǵynda 10 astam iri jáne orta óndiristik kásiporyndar jumys isteıdi. 2018 jyldyń 10 aı ishinde óndiristik ónim kólemi 67,1 mlrd. teńgeni qurasa, jeke ındeks kólemi 103,5% jetti.  

Negizgi kapıtalǵa tartylǵan ınvestısıa kólemi 145,1 mlrd. teńge. Byltyrǵy kórsetkishpen salystyrǵanda 28,7 mlrd. teńgege ósim baıqalady.  

Bólshek saýda aınalymy 323,3 mlrd. teńgege jetse, kóterme saýda aınalymy  1524,8 mlrd. teńgeni qurady.

Búgingi tańda aýdanda 28 204 kásiporyndar tirkelgen bolsa, olardyń tek 14 933 turaqty jumys isteýde.

«Bıznestiń jol kartasy 2020» memlekettik baǵdarlamasy aıasynda aýdandaǵy 8 kásiporynda 4,7 mlrd. teńgeniń jobalary iske asyrylyp jatyr. Onyń ishinde 833,3 mln. teńge sýbsıdıa esebinen bólingen.

2015-20109 jyldarǵa arnalǵan Kásipkerlikti qoldaý aımaqtyq kartasyna jalpy somasy 2,5 mlrd. teńge qarajatty quraıtyn 4 joba iske asyrylýda. Nátıjesinde 198 jańa jumys oryndary ashyldy.   

Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy aıasynda jalpy samosy 534 887 000 teńgeni quraıtyn 34 mıkrokredıt usynyldy. 4 joba maquldandy.  

Eseptik kezeń barysynda 3741 jańa jumys oryndary ashyldy.

Aýdandyq İshki ister basqarmasymen birlesip ruqsat etilmegen jerde saýdamen aınalysqany úshin 1079 hattama toltyrylyp, 166 zańsyz dúńgirshekter buzyldy.

Aýdan aýmaǵynda barlyǵy 1 770 kópqabatty turǵyn úı ornalasqan. Olarǵa «Almaty jylaý júıesi», «Almaty sý», «RES-2», «RES-5», «AJK» jáne 120 pık qyzmet kórsetedi.

2018 jyldyń 10 aıynda 231 144 m2 turǵyn úı paıdalanýǵa berildi: 144 646 m2 – kópqabatty turǵyn úı, 86 498 m2 – jeke turǵyn úıler. Turǵyn úı qurylysyna salynǵan ınvestısıa kólemi 38 308,3 mlrd. teńge.

Turǵyn-úı qoryn durys kútip ustaý maqsatynda aýdanda ornalasqan 130 aýlaǵa kúrdeli jóndeý jumystary júrgizildi.

Bıyl uzyndyǵy 34,7 km 40 kóshege asfált jóndeý jumystary júrgizildi. 

Aǵymdaǵy jyldyń 10 aıynyń qorytyndysy boıynsha qylmys sanynyń tómendegeni baıqalady. Eseptik kezeńde jalpy sany 7868 qylmys tirkelse, byltyr bul kórsetkish 8204 bolatyn.

«Qarttar aılyǵy» aıasynda 4230 zeınetker qamtyldy. «Mektepke jol» aksıasy aıasynda 1471 bala qamtylyp, 19 mln. 448 myń teńgege kómek kórsetildi.

Jumyssyzdyq deńgeıi – 5,3 %. Jumyspen qamtý ortalyǵy arqyly jumyssyzdyqtan áleýmettik qorǵaýmen 2977 adam qamtylyp, onyń  2124 jumyspen qamtyldy.