Almaty qalasy Óńirlik komýnıkasıalar qyzmeti alańynda Shemetova Gúlnar Ravılqyzy – Almaty qalalyq fılıaly Qazaqstan Respýblıkasy Ulttyq Bankiniń dırektorynyń orynbasary;

Oljaev Aıbar Qaınaruly - Baspana Ipotekalyq uıymy Syrtqy baılanystar qyzmeti jetekshisiniń orynbasary;

Baıdosov Talǵat Hákimuly – «Baspana» AQ ıpotekalyq uıymynyń tóraǵa orynbasarynyń  qatysýymen baspasóz konferensıasy ótti.

Fılıal men baspana jumysynyń qorytyndysy jasaldy. Baǵdarlamany iske asyrý boıynsha Almaty qalasy ákimdigimen birlesken qyzmet, sondaı-aq bolashaqtaǵy josparlar baıandaldy.

«7-20-25. Ár otbasy úshin turǵyn úı satyp alýdyń jańa múmkindikteri» ıpotekalyq turǵyn úı kredıtteý baǵdarlamasy QRUB basqarmasynyń 2018 jylǵy 31 mamyrdaǵy №107 qaýlysymen bekitilgen. Baǵdarlamany Nursultan Nazarbaev 2018 jylǵy 5 naýryzda «Prezıdenttiń bes áleýmettik bastamasy» halqyna joldaýynda habarlaǵan.

Baǵdalamanyń operatory Qazaqstan Respýblıkasy Ulttyq Bankiniń enshiles uıymy – «Baspana» Ipotekalyq kompanıasy» AQ bolyp tabylady.

Baǵdarlamanyń negizgi sharttary - stavka jyldyq 7%, bastapqy jarna - 20%, qaryz merzimi – 25 jylǵa deıin, qaryz valútasy – teńge.

Qatysýshy bankter – «Bank Sentrkredıt» AQ, «Evrazııskıı Bank» AQ, «ATF Bank» AQ, «RBK Bank» AQ, «Halyk Bank» AQ, «Sesna Bank» AQ jáne «Forte Bank» AQ.

2018 jylǵy 22 qarashadaǵy jaǵdaı boıynsha Almaty qalasynda bankter jalpy 17 681,4 mln. teńge somasyna ıpotekalyq kredıt alýǵa 1391 ótinim aldy.Olardyń ishinen 10 499,5 mln. teńge somasyna 826 ótinim maquldandy.

Maquldanǵan ótinimder boıynsha 8 937,3 mln. teńge somasyna 689 qaryz berildi.Almaty berilgen kredıtter sany boıynsha respýblıkada 2-orynǵa ıe.