Almatyda sońǵy jyldary elektrondy saýda-sattyq 55 paıyzǵa ulǵaıǵan. Bul týraly qala ákimi ınvestısıalyq forýmda málimdedi.

Búgingi kúni elimiz boıynsha onlaın komersıanyń jartysynan astamy, ınternet dúkeniniń jáne qolma-qol aqshasyz esep aıyrysýdyń 64 paıyz aınalymy Almatyda shoǵyrlanǵan. Birikken Ulttar Uıymynyń elektrondy úkimet reıtıńisinde alyp shahar 25-shi orynǵa jaıǵasqan. Qazir qalada jańa tehnologıalar udaıy engizilýde.  

«Biz qalalyq ortany qala adamdar úshin qaǵıdasy boıynsha jańǵyrtý ústindemiz. Bul jańa tehnologıalardyń damýyna jáne jańa talant ıeleriniń tartylýyna serpin beredi. Zamanýı standarttar boıynsha tarıhı ortalyqtyń 3/2 bóligi jańǵyrtyldy. Trotýar men jasyl aımaqtar keńeıtilýde. Jaıaý júrginshiler mekemelerge barý 40 paıyzǵa ulǵaıyp, ondaǵy saýda aınalymy 1,5 esege ósti. qala turǵyndary velosıped pen elektr samokattaryn belsendi paıdalanýda», – dedi Almaty qalasynyń ákimi Baýyrjan Baıbek.