Byltyr qabyldanǵan "Baılanys jónindegi" jańa zańǵa sáıkes, 2019 jyldan bastap gadjetteri tirkelmegen abonentke qyzmet kórsete almaıdy. Iaǵnı mobıldi telefon adamnyń jeke málimetterine engiziledi.

"Qazirgi málimet boıynsha, 26 mln tutynýshynyń 14 mln-y ǵana tirkeýden ótken. Bul jeltoqsan aıyndaǵy málimet. Birneshe mln qazaqstandyq jańa jyl túninde jaqyndaryn quttyqtaı almaıdy degen sóz", – deıdi Qazaqstan parlamenti depýtaty Mıhaıl Chırkov.

Jyl basynda sheneýnikter IMEI-kodty tirkeý uıaly telefondardy zańsyz satýmen kúrestiń birden-bir joly dep túsindirgen. Bıyldyń ózinde 40 myń telefon urlanǵan eken. Mundaı qylmystyń ashylýy 5 paıyz ǵana.

Polısıa boljamy boıynsha, IMEI-kod tirkelgen jaǵdaıda, eger SIM-karta aýystyrylatyn bolsa, telefon jumys istemeıdi, mundaı kezde urlanǵan telefondy tabý ońaı.

Al aqparat jáne komýnıkasıa mınıstri Dáýren Abaev telefon tirkelse talaıdan beri qoldanylmaǵan telefon nómirleri joıylatynyn aıtady.

"Bizde uıaly baılanys abonentteriniń sany halyq sanynan 10 mıllıonǵa asyp ketedi - 26 mıllıon abonent, al halyq sany - 18 mıllıon adam. Iaǵnı, birneshe telefon men SIM-karta ustap júrgen adamdar bar. Qazir turǵyndarǵa túsindirip jatyrmyz, barlyq baılanys operatorlary boıynsha málimetter bar",- dedi Abaev.