Almatynyń balabaqshalarynda robototehnıka úıirmeleri jumysyn bastamaq. Osylaısha, jetkinshekterdi ǵylymǵa erte jastan tárbıleý kózdelip otyr.

Sondaı-aq, qaladaǵy mektepke deıingi mekemelerde jańa tehnologıalar keńinen engizilgen. Onyń ishinde asyq, qum jáne tas terapıasy syndy jańa ádister bar.

Búgingi tańda Almatyda 773 bóbekjaı jumys isteıdi. Búgin balabaqsha jetekshileri sol ádis-tásildermen jan-jaqty tanysýǵa múmkindik aldy.  

«Qum terapıasy balalardyń shyǵarmashylyǵyn keńeıtedi. Balanyń boıyndaǵy oılaý qabiletin, tanymdyq qabiletin jan-jaqty damytady. Eń birinshi, balany tynymsyzdyqqa, tynysh otyrýǵa, uqyptylyqqa úıretedi. Sonymen qatar, shyǵarmashylyq oılaý, qıaldaý qabileti arta túsedi. Bala ne jasaımyn dese de, eń bastysy, qum terapıasyn oınaýdy bilse, ary qaraı óziniń tanymdyq qabiletterin arttyra beretin bolady», – deıdi Almaty qalasy №69 bóbekjaı-balabaqsha meńgerýshisi Aıym Naýryzbaeva.

«Qazaqstan boıynsha mektepke deıingi bilim berý mekemeleri 2 jyldan beri jańa standartpen jumys istep jatqanyn bilesizder. Jańa standartqa kósher aldynda Almaty qalasynyń 6 balabaqshasy Bilim mınıstrlginiń eksperımenttik bazasy bolǵan. Ol jerde 6 jańa ınovasıany júrgizip, sonyń nátıjesinde 6 metodıkalyq kitap shyqty. Ol ádistemelik kitaptardy qazir Qazaqstannyń barlyq mektepke deıingi mekemeleri qoldanyp otyr», – dedi Almaty qalasy Bilim basqarmasy mektepke deıingi bóliminiń basshysy Álıa Saǵıeva.