Almaty bókterindegi 5 gektar jer memleket menshigine qaıtarylatyn boldy

    Nazerke Labihan
    Almaty bókterindegi 5 gektar jer memleket menshigine qaıtarylatyn boldy

    Almatynyń taý bókterindegi 5 gektar jer memleket menshigine qaıtarylady. Mundaı sheshimdi Almaty qalasynyń mamandandyrylǵan aýdanaralyq ekonomıkalyq soty shyǵardy.

    Sottyń uıǵarymy boıynsha, Qarasaı aýdany ákiminiń sheshimimen, 2002 jyly «Inter Invest» jaýapkershiligi shekteýli seriktestigine sporttyq-saýyqtyrý keshenin ornalastyrý úshin Kazachka shatqalynan 5 gektar jer telimi berilgen. 2015 jyly atalǵan kompanıa jer ýchaskesin SPM Grupp -qa satyp jibergen. Al jer telimi İle Alataýy memlekettik ulttyq tabıǵı parkiniń aýmaǵynda bolǵan. Iaǵnı, erekshe qorǵalatyn tabıǵı aýmaqqa jatady. Budan shyǵatyn túıin – aýdan ákiminiń jerdi berý týraly sheshimi zańsyz bolǵan, al jer ýchaskesine qatysty jasalǵan mámileler men olardyń sot organdaryna tirkelýi týraly málimetter joıylady.

    Aıta ketsek, bıyl jazda qala ákimi Baýyrjan Baıbek 5 gektar jerdi zańǵa sáıkes, memlekettik menshikke qaıtarý prosesin bastaýdy tapsyrǵan bolatyn.

    Qatysty Maqalalar