Fransıanyń shyǵysynda ornalasqan Strasbýrgte atys bolyp, úsh adam qaza tapty dep habarlaıdy Qamshy.kz aqparat agenttigi. Seısenbiniń keshinde qarýly adam turǵyndarǵa oq atqan. Kýágerlerdiń málimeti boıynsha, qarýly adam 10 shaqty ret oq atqan. 12 adam jaraqat alyp, jeteýi aýyr hálde aýrýhanada jatyr.
Oqıǵa qala ortalyǵynda Rojdestvo merekesine arnalǵan saýda ornynda bolǵan. Kúdikti jaraqat alsa da, qashyp úlgerdi.
Qazir bul jaıtqa baılanysty qylmystyq is qozǵaldy. Fransıanyń İİM Strasbýrg turǵyndaryn syrtqa shyqpaýǵa shaqyrdy.
Fransıalyq BAQ-tyń málimeti boıynsha, 29 jastaǵy kúdiktiniń turatyn úıin taýyp, tutqyndamaq bolǵan kezde kúdikti sytylyp úlgergen.
