Tanymal kompozıtor Igor Krýtoı Dımash týraly pikir bildirdi dep jazady Qamshy.kz aqparat agenttigi. Kompozıtor reseılik BAQ-qa bergen suhbatynda Dımashpen qalaı tanysqany týraly aıtyp berdi.
"Men onyń shyǵarmashylyǵyn áleýmettik jeli arqyly kórip, bilip otyrdym. Qytaı elindegi ónerin de kórgen bolatynmyn. Sol kezde onyń vokaldyq múmkindigin baıqap, Dımashty «Novaıa volnaǵa» shaqyrdym", deıdi reseılik kompozıtor.
Sonymen birge Igor Krýtoıdyń aıtýy boıynsha, Dımash ózi birinshi bolyp tanysýǵa qadam jasaǵan.
"Men Dımashpen kezdeısoq tanystym. Men ony Djeıkob esimdi amerıkalyq zergerdiń prezentasıasynda kezdestik. İs-shara barysynda Dımash ákesimen birge meniń qasyma keldi. Sol sátte jaqynyraq tanysa bastady. Keıin ol Sochıde ótken «Novaıa volnaǵa» baratyn boldy. Bir tańǵalarlyǵy Dımash meniń ánderimniń barlyǵyn jatqa biledi eken. Sondaı-aq ol «Novaıa volna» baıqaýyn basynan bastap baqylapty. Osy baıqaýǵa qatysýdy burynnan armandaǵan. Dımashta týa bitti talanttan bólek tylsym dúnıe bar. Ol tyńdarmandarmen kosmas arqyly tildese alady. Sebebi men ǵalamtorda barlyq jańalyqtardan habardarmyn. Bul tańǵalarlyq jaıt. Dımashtyń jankúıerleri kúnnen kúnge kóbeıip jatyr. Dımash budan bólek tárbıeli, jaqsy jigit. Men ony moıyndaımyn", deıdi Igor Krýtoı.
Eske sala ketsek, Reseıdegi "Jyl áni - 2018-ge" qatysqan talanttymyz Dımash Olımpııskııdi aýzyna qaratty. Igor Krýtoıdyń pıanınodaǵy súıemeldeýimen "Sharshaǵan aqqýlar mahabbaty" ánin oryndap shyqqan ol halyqtyń erekshe yqylasyna bólendi.
