İs-sharaǵa Aqtóbe oblysynyń ákimi Berdibek Saparbaev, Aqtóbe qalasynyń ákimi İlıas Ispanov, «Qazposhta» AQ táýekelder men sáıkestik boıynsha basqarýshy dırektory Nurqanat Nurakınov, «Qazposhta» AQ poshta qyzmetteri jónindegi atqarýshy dırektory Sáýle Egemberdıeva, «Qazposhta» AQ Aqtóbe oblystyq fılıalynyń dırektory Serik Berdenov qatysty.
Aqtóbede iri poshta haby ashyldy, oǵan Belarýs, Reseı, Moldova, Qyrǵyzstan, Ózbekstannan keletin sálemdemeler, sondaı-aq TMD elderinen Qytaıǵa jóneltimder jáne jergilikti jóneltimder jetkiziletin bolady. Olar habtyń aýmaǵynda kedendik baqylaýdan jáne suryptaýdan ótedi. Bul sálemdemelerdi jetkizý ýaqytyn birneshe kúnge azaıtýǵa kómektesedi.
«Qazirgi ýaqytta Qazaqstanda 2 hab iske qosyldy: Almatyda jáne Astanada, buǵan deıin sálemdemelerdiń kópshiligi Almatynyń suryptaý ortalyǵyna jetkizildi, endi Eýropa jáne TMD elderinen jóneltimder Aqtóbede suryptalady jáne kedendik baqylaýdan ótedi. Bul sálemdemelerdi satyp alýshylarǵa jetkizý ýaqytyn 6 kúnge deıin qysqartýǵa múmkinshilik berip, Almatydaǵy logıstıkalyq ortalyqqa júktemeni azaıtyp, poshtalyq aıyrbastaýdyń taǵy bir tranzıttik núktesin alyp tastaıdy», - dedi «Qazposhta» AQ poshta qyzmetteri jónindegi atqarýshy dırektory Saýle Egemberdıeva.
Eger buryn Aqtóbede kúnine 6000-ǵa jýyq jóneltimder óńdelse, logıstıkalyq ortalyǵynyń ashylýymen, óńdelgen poshta kólemi táýligine 20-25 myńǵa deıin ósedi.
Jańadan ashylǵan logıstıkalyq jáne suryptaý ortalyǵynyń jalpy aýmaǵy 3500 sh.m.jáne kedendik baqylaý men tekserý aımaqtarymen jabdyqtalǵan. Sondaı-aq, habta jylyna 160 myńǵa jýyq sálemdelerdi óńdeýge daıyn fýlfılment ortalyǵy ornalysqan. Ortalyq ınternet-dúkenderge tapsyrysty qabyldaý, saqtaý, óńdeý jáne sálemdemelerdi jetkizý sekildi birqatar qyzmetterdi usynady. Sonymen qatar, ınternet-dúkender taýarlardy fýlfılment ortalyǵynda ornalastyrý arqasynda logıstıka, taýarlarǵa arnalǵan qoımalardy, personaldy jaldaý jáne basqa da shyǵyndardy barynsha azaıtady, sálemdemelerdi jetkizý ýaqytyn qysqartady.
Fýlfılment ortalyǵynyń qyzmetterimen qatar, «Qazposhta» óz klıentterine tolyqtaı qarjy ınfraqurylymyn (jeke óńdeý qyzmetteri, tólem quraldary) usynady.
