Almaty qalasynda «7-20-25» baǵdarlamasy aıasynda jyl sońyna deıin 600 páter beriledi. Bul týraly Ortalyq komýnıkasıalar qyzmetinde ótken baspasóz máslıhatynda Almaty qalasynyń ákimi Baýyrjan Baıbek málimdedi.

«7-20-25» boıynsha jalpy somasy 10,9 mlrd. teńge bolatyn 843 páter nesıesi maquldandy. Budan basqa aǵymdaǵy jyldyń aıaǵyna deıin baǵdarlama talaptaryna sáıkes keletin 600-den astam páter paıdalanýǵa berilmek. Al «Nurly Jer» baǵdarlamasy aıasynda bıylǵy jyly 4 800 otbasy jańa páter alady, ótken jylmen salystyrǵanda bul kórsetkish 20%-ke artty», - dedi B. Baıbek.

 «Nurly Jol» baǵdarlamasynyń aıasynda 4 200 jumys orny qurylyp, 111 shaqyrym ınjenerlik jeli júrgizildi Sondaı-aq, 28 áleýmettik turǵyn úı jáne 2 mektepke qosalqy ǵımarat salynǵan.

«Bul baǵdarlamalardyń barlyǵy el ekonomıkasyn nyǵaıtýǵa, azamattardyń ál-aýqatyn arttyrýǵa, ınfraqurylymdy jaqsartýǵa baǵyttalǵan. Nátıjesinde, osy jyldyń ózinde 29 myńnan astam jańa jumys orny ashylyp, 2 mıllıon sharshy metr turǵyn úı paıdalanýǵa berilýde», - dep atap ótti.

Sonymen qatar, sońǵy 3 jylda 800 km ınjenerlik júıe jóndelip, 500 shaqyrymǵa jýyq jol salyndy jáne jóndeýden ótti.