AQSH prezıdenti Donald Tramp zaıyby Melanámen birge Rojdestvo meıramynyń qarsańynda balalarmen kezdesip, olardyń saýaldaryna tikeleı  jaýap beredi.

The Hill basylymy jazǵanyndaı, jeti jastaǵy Koýlman atty bala Aq úı qojaıynynan Santa Klaýsty kútip júrgenin, onyń úıge qashan keletinin suraǵan. Alaıda sonshama úmitpen suraq qoıǵan balaǵa prezıdent kútpegen jerden jaýap berdi.

–Sen áli kúnge deıin Santa Klaýsqa senesiń be? Seniń jasyńda Santa Klaýsqa sený uıat. Bul durys nárse emes,–dedi AQSH prezıdenti.

Munan keıin Tramp ózine tán ısharamen balaǵa qarap kúldi de, oǵan demalysyn jáne bos ýaqytyn tıimdi ótkizýdi surady. Prezıdentten mundaı jaýap kútpegen bala birtúrli tosyrqap qalǵanyn qazir búkil amerıkalyq BAQ jarysa  jazyp jatyr.

–Prezıdent Tramp saltanatty sharaǵa kelgen balanyń merekelik kóńil kúıin osylaı buzdy. Al Santa Klaýsqa jáne úlkenderge senimmen qaraıtyn jeti jasar balanyń betin bulaı qaıtarýǵa bolmaıdy. Balanyń aty –bala, al Tramptyń bul áreketi durys emes, –dep jazdy The Hill basylymy.

Bir qyzyǵy,  Soltústik Amerıkanyń aeroǵarysh birlestiginiń ákimshiligi (NORAD) 1955 jyldan beri Aq úı  lıderimen turaqty kezdesý ótkizip keledi. Óıtkeni eldiń úlken qalasyndaǵy sýpermarkettiń birindegi jarnamada baıqaýsyzda  NORAD-tyń belgisi tańbalanyp ketken. Sodan beri prezıdentpen kezdesý ıgi dástúrge aınalǵan eken.