Qazaqstan Respýblıkasynyń aldyńǵy qatarly arnalarynyń biri «31 arna» Iýrıı Brodskııdiń Bas dırektor qyzmetine taǵaıyndalǵanyn habarlaıdy.
Buǵan deıin Iýrıı Brodskıı RTVI telearnasynyń jańalyqqa jatpaıtyn habarlar taratatyn dıreksıasynyń dırektory qyzmetin atqardy. Onyń aldynda STS arnasynyń praımdyq habar taratý dıreksıasyn basqardy jáne 31 arnanyń bas prodúseri bolyp qyzmet etken.
«Sońǵy jyldarda 31 arnada Qazaqstanǵa sapaly kontent taratatyn joǵary bilikti mamandar qalyptasqan. Jańa Bas dırektordyń aldynda tól ónimderdi jalǵastyrý, sapasyn arttyrý jáne jańa deńgeıge kóterý mindeti tur. Biz televızıany damytýǵa baǵyttalǵan zamanaýı ǵalamdyq trendterdi jiti baqylap otyrmyz. Sol sebepti de Iýrıı "31 arna" ujymynyń aýyzbirligin odan ári nyǵaıtyp, onyń kásibı deńgeıin baıytady ári kóteredi degen senimdemin», - deıdi «Vernyı kapıtal» kompanıalar tobynyń dırektory jáne «31 arnanyń» Baqylaýshylar keńesiniń múshesi Erlan Ospanov.
«Iýrııdiń komandamyzǵa qaıtyp oralǵanyna qýanyshtymyn. Onyń televızıa salasynda kópjyldyq tájirıbesi bar. Ol tamasha uıymdastyrýshy jáne birneshe tabysty jobalardyń prodúseri. Iýrııdiń televızıalyq ónim óndirý salasyndaǵy tájirıbesi men saraptama jasaý qabileti aktıvterimizdi odan ári damytyp, Qazaqstannyń televızıa naryǵynda kósh basyna shyǵýymyzǵa septigin tıgizedi dep bilemin, - dep óz oıyn bildirdi «STS HOLDIŃ» AQB Baqylaýshylar Keńesiniń múshesi Alekseı Soloveınık.
Iýrııdiń Bas dırektor qyzmetindegi basty mindeti - arnanyń strategıasyn ary qaraı jalǵastyrý, sonyń ishinde «31 arnanyń» aýdıtorıalyq kórsetkishi men naryqtaǵy úlesin arttyrý, arnanyń tól ónimderiniń sanyn kóbeıtý, bıznestiń tıimdiligin kóterý.
Iýrıı Brodskıı «31 arnanyń» Bas dırektory: «Ómirimde úlken oryn alatyn arnaǵa qaıta oralǵanyma qýanyshtymyn. Jaı kelmeı, jańa qyzmet úshin kelý men úshin úlken mártebe ári zor jaýapkershilik. Qazaqstan televızıasynyń kóshin bastaýǵa 31 arnanyń múmkindigi mol. Eń bastysy, arnaǵa sengen, ony sezine biletin, odan jańa jobalar men erekshe tartýlar kútetin bir qaýym kórermeni bar».
Iýrıı Brodskıı 1974 jyly 17 tamyzda Shevchenko (qazirgi Aqtaý) qalasynda dúnıege kelgen. 1997 jyly Sh.Esenov atyndaǵy QazMÝ-dy bitirgen. Tel-Aviv University-niń óner fakúltetinde kıno jáne televıdenıe mamandyǵy boıynsha bilim alǵan. Búginge deıin Iýrıı Brodskıı RTVI telearnasynyń jańalyqqa jatpaıtyn habarlar taratatyn dıreksıasynyń dırektory qyzmetin atqaryp, strategıalyq josparlaý, habar taratý kestesin basqarý, baǵdarlamalyq quqyqtar satyp alý, efır marketıńi, reseılik jáne amerıkalyq fılıaldarda jańalyqtarǵa jatpaıtyn formattardy óndirý jáne jasaqtaý jumystarymen aınalysty. Sondaı-aq, mýltıplatformalyq teleformattar men TV-dıdjıtaldyń jalpy ınfokeńistigin jasady. 2015-2016 jyldary STS arnasynyń praımdyq habar taratý dıreksıasynyń dırektory qyzmetin atqardy jáne praımǵa arnalǵan telehıkaıa, kıno, shoýlar jasaý jumystaryna basshylyq etti. «Vzveshennye Lúdı» (2016 jylǵy TEFI ıegeri), «Kak ıa stal rýsskım», «Krysha Mıra», «Voronıny», «Vosmıdesátye», «Beglye rodstvennıkı» jobalarynyń prodúseri. 2013-2015 jyldary 31 arnanyń bas prodúseri qyzmetin atqaryp, arnanyń tól ónimderine jetekshilik jasady. Onyń jetekshiligimen dúnıege kelgen tabysty jobalardyń biri aryqtaýǵa arnalǵan «Dom Vesy» baǵdarlamasy Qazaqstandaǵy eń iri teleshoý atandy. Bas júldege talasqan tartysty shoýdyń 42 epızody telearnaǵa burynǵy táýliktik kórsetkishten eki ese joǵary aýdıtorıalyq úles syılady. Iýrıı televızıa salasynda 2001 jyldan beri jumys istep keledi.
