2018 jyl qýantty da, jylatty da. Sondyqtan eski jyldy qorytyndylap, jańa jylǵa da boljam jasaıtyn ýaqyt jetti. Kókeıimizde aldaǵy jyl bıylǵydan da oljaly bolady degen úzilmes úmit bar. Sonymen, keler jyl qandaı bolady? Bul týraly Eýrazıa birinshi arnasy habarlaıdy.
Aldaǵy jylǵa boljamdy birinshi esep-qısaptan bastap kóreıik. Sandar sıqyryna sensek, 2019 jyldyń basty sany «3» bolǵaly tur. Al nýmerologıada ol ádemiliktiń, shyǵarmashylyqtyń sımvoly-mys. Nýmerolog Lýıza Tilegenovanyń esepteýinshe, keler jyldyń alǵashqy úsh aıy qazaqstandyqtarǵa sál qıyndaý bolyp kelse de, qalǵan ýaqyty óte tabysty bolmaq.
«Óner salasyndaǵy adamdarǵa tabysty jyl bolady. Óner adamdary - bıshiler, sýretshiler, aqyndar, medısına salasyndaǵy jandar qyzmette joǵarylaýy ábden múmkin. Kvalıfıkasıasy joǵarylap, kele jyl jaqsy - jyl bolyp esepteledi» - deıdi nýmerolog Lýıza Tilegenova.
Boıdaq qyz-jigitterdiń qulaǵyna altyn syrǵa. Otbasyly, úıli bolýyńyzǵa dońyz jyly úlken septigin tıgizedi, deıdi nýmerologtar. Qosymsha bilim alyp, kókjıegin keńeıtemin deýshilerge de jol ashyq. Astrolog Botagóz Nurǵalı keler jyldyń artyqshylyqtary kóp bolaryn rastap otyr.
«Dońyz jyly Iýpıter men Satýrn ǵalamdaryna dál kelip tur. Sondyqtan 2019 mergen, toqty, arystandarǵa sátti jyldardyń biri bolmaq. Sondaı-aq teńge de turaqty bolatynyn aıtyp ótkim keledi. Al týrızm qyzmetkerlerine , ásirese bilim salasyndaǵy muǵalimderge keler jyl mol tabys ákeledi» - deıdi astrolog Botagóz Nurǵalı.
Buǵan qazir talqylanyp jatqan «Ustaz mártbesi» týraly zań da septigin tıgizer. Bul rette áleýmettanýshylar qarapaıym halyqtyń da turmysy ońalatynyn alǵa tartyp otyr.
«Halyqtyń ál-aýqaty jaqsarýy tıis. Oǵan baılanysty kóptegen kóptegen baǵdarlamalar júzege asyryp jatyr. Tipten, qalaǵa qoldaý jasalyp, ár aımaqtaǵy qaıtarymsyz ıgerilmegen qarjyny jastarǵa qoldaýǵa jiberiledi. Osy sharalar óz nátıjesin beredi dep oılaımyn» - deıdi áleýmettanýshy Esimbek Arynbek.
Al halyq jaǵdaıynyń jaqsarýyna teńgeniń yqpaly zor ekenin bári biledi. Valútamyz qandaı bolsa, jurttyń kún kórisi de soǵan qaraı qubyla beredi. Osyǵan qatysty ekonomıser bylaı deıdi:
«Bizde Qazaqstanda ındýstrıaldyń ekinshi besjyldyǵy baǵdarlamasy júzege asyrylyp jatyr. Keshe ǵana telekópir bolyp 2018-di jaqsy nátıjemen biz aıaqtadyq. Al endi 2019 jylda da birneshe kásiporyndar, qaıta óńdeýshi kásiporyndar birneshe jumys oryndary ashylady. Iaǵnı bul degen sóz halyqtyń áleýmettik-ekonomıkalyq jaǵdaıynyń jaqsarýyna ákelip soǵady» - deıdi ekonomıs Ǵalymjan Kelme.
Keler dońyz jylynyń qandaı bolatyny ázerge belgisiz. Onyń jaýabyn biz tek 2020 jyly ǵana bile alamyz. Dese de, áleýmettanýshy men astrologtardyń, ekonomıs pen nýmerologtardyń boljamyna qarmastan, halyq alda tek jarqyn kúnniń bolaryna ǵana seneri sózsiz. Al bul senim barlyǵyn da ózgertýge qaýqary jetedi.
