Sınoptıkter qańtar aıynda aýa raıy qandaı bolatynyn aıtty dep habarlaıdy Qamshy.kz aqparat agenttigi «Qazgıdromet» ortalyǵynyń deregin negizge alyp.
Sınoptıkterdiń boljamynsha, qańtarda ortasha aılyq aýa temperatýrasy respýblıkanyń ońtústik-batys, ońtústik jáne ońtústik-shyǵysynda normadan 1 gradýstan joǵary, al qalǵan aımaqta klımattyq normaǵa jaqyn bolady.
«Birinshi dekadanyń basynda respýblıkanyń soltústik, soltústik-shyǵys jáne ortalyq aımaqtary sýyq antısıklonnyń yqpalynda bolady. Termometrdiń synap baǵanasy túnde 25...30, keı jerlerde 35 gradýsqa deıin aıaz, kúndiz 15...20, keı jerlerde 25 aıazǵa deıin tómendeıdi», - deıdi «Qazgıdromet» ókilderi.
Sondaı-aq, sınoptıkterdiń málimetinshe, elimizdiń batys, ońtústik-batys jáne ońtústigine jyly aýa massalary kelip, jaýyn-shashyn túsedi. Aýa temperatýrasy: túnde 2...7, keı jerlerde 12 gradýs aıaz, kúndiz 5 gradýsqa jyly, keı jerlerde 5 gradýsqa deıin aıaz bolady.
