Jaǵdaı qıyn qazir. Jurttyń jıǵan-tergeni túgesilýde. Múlki tozyp, máshinesi synyp, úıdegi tehnıkasy isten shyǵyp jatyr. Onyń ornyn almastyrar qarajat joq qolynda. Bala-shaǵany asyraý qıynǵa soǵýda. Burynǵydaı «kóppen kórgen uly toı, jurt qatarly ómir súrip otyrmyz ǵoı» degen kóńil kúı qalmaǵan qazir.
Taǵy bir baıqaǵanym buryndary bizdiń aldymyzdaǵy býyn, tipti bizdiń zamandastarymyzdyń aýzynan «áıteýir, ne bolsa da soǵys bolmasynshy, elimiz tynysh, Elbasy aman bolsynshy» degen áńgimeni jıi estýshi edim.
Al qazir baıqasańyz, úlkeni de, kishisi de «ne bolsa da birdeńe bolsynshy» dep tilep otyr. Ashý, yza jatyr astarynda. Eldiń pikiri kúrt ózgergen. Bılik muny qazirden uqpasa, qazirden nazarǵa almasa, kúnderdiń kúni ońbaı opyq jeıdi.
«Bárin baqylap otyrmyz, eshkimdi tyrp etkizbeımiz» dep oılasa, qatelesedi bılik. Sebebi qoǵam qajı bastady. Qoǵam ózgeriske daıyn otyr. Osyny uǵyný kerek bılikke.
Halyqqa betburýy, birtaban jaqyndaýy kerek mundaıda. Halyqtyń synyn qabyldaıtyn, pikirin tyńdaıtyn kezge keldi.
Bılik «aýqymdy baǵdarlamalardy júzege asyryp jatyrmyz» deıdi. Buldamasyn. Bul bizdiń nápaqamyz ári-beriden soń. Ata-babamyzdyń mańdaı teri, naızanyń ushymen saqtap qalǵan qara jerdiń qazba baılyǵy. Muny bizge baıaǵyda berýi kerek edi.
Bıliktiń ózi aıtyp qaldy. «Bizge memlekettik birlik: ekonomıkalyq, saıası jáne áleýmettik birlik kerek» dedi. Áleýmettik birlik degenimiz halyqtyń bul elde ádilettiń bar ekenine senýinde jatyr. Ádilet máselesin bir jónge keltirmeı, bıliktiń qazirgi qareketiniń barlyǵy bos tirlik.
Aıdos Sarymnyń «Nege solaı?» baǵdarlamasyna bergen suhbatynan úzindi,
2018 jyl
Pikir qaldyrý