Barshańyzdy Alǵys aıtý kúnimen shyn júrekten quttyqtaımyn!
Bul mereke qıyn-qystaý jyldary qazaq halqynyń kórsetken qamqorlyǵy men meıirimdiliginiń umytylmaıtynyn bildiredi.
Alǵys aıtý kúni – ortaq tarıhymyzǵa kórsetilgen qurmettiń, búkil qazaqstandyqtardyń óz shańyraǵyna aınalǵan kıeli qazaq jerine degen rızashylyqtyń belgisi.
Táýelsizdik jyldarynda Qazaqstan halqynyń birligin nyǵaıta otyryp, tatýlyq pen kelisimniń biregeı úlgisin qalyptastyrdyq.
Qazirgi tańda biz aýqymdy jańǵyrtý baǵdarlamasyn júzege asyryp, halyqtyń ál-aýqatyn arttyrý úshin keshendi sharalardy qolǵa aldyq.
Yntymaqtastyq pen ózara kómek sıaqty berik qundylyqtar biriktirýshi kúshke aınalyp, elimizdiń bolashaǵyna degen nyq senim men jaýapkershilik sezimin qalyptastyrady.
Qazaqstandyqtardyń qazirgi býyny, ásirese jastar, tarıhymyzdy bilip, este saqtaýy kerek. Tarıh taǵylymy shynaıy patrıotızm men birliktiń úlgisin kórsetedi.
Árqaısymyzdyń júregimizde ortaq jetistigimizge – órkendep kele jatqan Qazaqstanǵa degen maqtanysh pen rızashylyq sezimi uıalaı bersin!
Ár otbasyǵa baq-bereke, elimizge tatýlyq pen tynyshtyq tileımin!
Usynǵan: Gúlim Jaqan
Pikir qaldyrý