AQSH-ta jantúrshigerlik tabıǵat apatynan keıin birneshe adam iz-tússiz joǵalyp ketken, dep habarlaıdy Qamshy.kz aqparat agenttigi wsfa.com saıtyna silteme jasap.
Amerıkanyń Alabama shtatynda tornado bolyp, 22 adam kóz jumdy. Taǵy birneshe adam áli tabylmaǵandyqtan aldaǵy ýaqytta bul kórsetkish ósýi múmkin. Tabıǵı apat Lı 3 marta aımaǵynda bolǵan. Bul týraly sherıf Djeı Djons aıtyp berdi.
Sherıftiń aıtýynsha, qaza tapqan adamdardyń sany 22-den kóp bolýy ábden múmkin.
Aımaqtyń koroneri Lı Bıll Harrıs kóz jumǵandardyń arasynda kishkentaı balalar men qart adamdardyń da bar ekenin aıtty. Ol óz sózinde mundaı apatty alǵash ret kórgenin tilge tıek etti.
Shyǵys Alabamanyń aýrýhanasyna 40-tan astam adam túrli jaraqatpen kelip túsken. Alaıda bul kórsetkish áli de ósýi múmkin ekendigin aıtady jergilikti atqarýshy organdar.
Ondaǵan úıler qırap, 35 myń turǵyn jaryqsyz qalypty.
