Aqtaý qalasy Soldat aýdanynyń jaǵalaýyna júzdegen shaıandar shyǵyp qalǵan dep habarlaıdy Qamshy.kz aqparat agenttigi inAktau.kz saıtynyń deregin negizge ala otyryp.
Bul jaǵdaı 2019 jyldyń 11 naýryz kúni tańerteńgi ýaqytta oryn alǵan. Mańǵystaý oblystyq orman jáne janýarlar dúnıesi aýmaqtyq ınspeksıasynyń balyq aýlaý bóliminiń bastyǵy Adısal Shıhmetovtyń aıtýynsha, bul qubylys daýyldy aýa-raıyna baılanysty bolǵan.
«Aýa-raıynyń qolaısyzdyǵyna baılanysty teńiz shaıandardy jaǵaǵa shyǵaryp tastaǵan. Bul qalypty qubylys jáne olar sýǵa qaıta oralady», - dedi balyq sharýashylyǵy basqarmasynyń bastyǵy.
Sondaı-aq, ol 2019 jyldyń 1 sáýirinen bastap 15 maýsymǵa deıingi kezeńde bul aımaqqa qazirgi ýaqytta balyqtardyń ýyldyryq shashatyn mezgili ekenin eskere otyryp, teńiz balyqtaryn ustaýǵa tyıym saldy. Quqyq buzýshylarǵa Qazaqstan Respýblıkasynyń Ákimshilik quqyq buzýshylyq týraly kodeksiniń 383-babynyń 3-bóligi boıynsha (balyq aýlaý jáne balyq resýrstaryn jáne basqa da sý janýarlaryn qorǵaý erejelerin buzý) 50 500 teńge (20 AEK) kóleminde aıyppul salynatyndyǵyn eskerte ketti.
Aýdarǵan: Farıza Jomartqyzy
