Alı Oqapov Dımashtyń hıt áni joq ekenin aıtty dep jazady Qamshy.kz aqparat agenttigi. Qazaqstandyq ánshi bul týraly Revú baǵdarlamasyna bergen suhbattarynyń birinde aıtqan. 

 — Dımash degende, biz birinshiden Dımashtyń ózin jáne onyń daýsyn, kóz aldymyzǵa alamyz. Al Dımash, osyndaı án deıtindeı ókinishke oraı birde-bir án shyqpaǵan. Bul endi aqıqat, bul – shyndyq! Birneshe beınebaıandary bar ekenin bilemin. Qanshama konsertterdi bergenin bilemin. Biraq, Dımash – álemdik ánderdiń kaverin oryndaýdan óz tyńdarmandaryn tapqan nemese jaýlaǵan ánshi. Meniń oıymsha árbir ánshige hıt kerek! - deıdi Álı Oqapov. 

Álıdiń aıtqanymen ónerdegi aǵa-ápkeleri kelise qoımaıdy. Mýzyka maıtalmandarynyń paıymdaýynsha, Dımash shyrqaǵan árbir shyǵarma ózindik ereksheligimen tyńdarmandar júregin jaýlap úlgergen. 

"Onyń barlyq áni hıt. Men kelispeımin. Bizde «hıt» dep arzanqol ánderdi hıt qylyp alǵan ǵoı. Búgin «ymba-ymba» deıdi. Tańerteń ol hıt bolyp shyǵady. «Daıdıdaýdy» tórt jasar balaǵa deıin aıtady jáne bári Dımash sıaqty aıtýǵa tyrysady", - deıdi Maıra İlıasova. 

Usynǵan: Ásel Bolatqyzy