Úkimet otyrysynda Qazaqstan Respýblıkasy Ulttyq ekonomıka mınıstri Rýslan Dalenov 2019 jylǵa arnalǵan makro kórsetkishterdiń qaıta qaralǵan boljamyn usyndy dep habarlaıdy Qamshy.kz aqparat agenttigi Zakon.kz-tiń deregin negizge ala otyryp. 

"2019 jylǵa arnalǵan makro kórsetkishter boıynsha boljamdardy túzetýdiń negizgi faktorlary 2018 jylǵa JİÓ derekterin jarıalaý, sondaı-aq taý-ken ónerkásibi men qyzmet kórsetý sektorynyń dınamıkasynyń ózgerýi boldy.Osylaısha 2018 jyly JİÓ kólemi 58,8 trıllıon teńgeni qurady. Bul 2019 jyly baǵalaýdyń jaqsy kórsetkishi" dep baǵa berdi Rýslan Dalenov.

Onyń aıtýynsha, munaı óndirý kólemi 2018 jylmen salystyrǵanda 1,4 mıllıon tonnaǵa nemese 1,5% -ǵa tómendeıdi, bul taý-ken ónerkásibiniń ósý qarqynynyń tómendeýine ákeledi.

Sonymen birge qyzmet kórsetý sektorynda joǵary ósýler kútilýde. Qyzmet kórsetý sektorynyń ósý  negizi — ishki suranystyń artýynan. Syrtqy jáne ishki faktorlardy eskere otyryp, boljam boıynsha 2019 jylǵa arnalǵan negizgi kórsetkishter buryn bekitilgen deńgeıde saqtalady: munaıdyń bir barreli  55 dollar bolsa,  teńge baǵamy — bir AQSH dollary úshin 370 teńgeni quraıdy — dep habarlady vedomstvo basshysy.

— Ónerkásiptiń ósýi 1,6%-dy quraıdy. Sonymen qatar óńdeý ónerkásibi taý-ken ónerkásibine qaraǵanda ósedi. Eksport 0,3 mıllıard dollarǵa, ımport 54,4 mıllıardqa artady. Joǵaryda atalǵan damý faktorlaryn eskere otyryp, JİÓ naqty ósýi 2019 jylǵa qaraı 3,8%-ǵa baǵalanady. 2019 jyly nomınaldy JİÓ 64,3 trıllıon teńgege boljanyp otyr, bul aldyńǵy baǵalaýdan 323,5 mıllıard teńge joǵary. Jan basyna shaqqandaǵy JİÓ 9 409 AQSH dollaryn quraıdy, - dep qorytyndylady Dalenov.

Aýdarǵan: Farıza Jomartqyzy