Qýandyq Bıshimbaev Shymkentke aýystyryldy. Eks-mınıstr jazasynyń qalǵan bóligin qaýipsizdigi ortasha túzeý mekemesinde óteıtin bolady dep jazady Qamshy.kz aqparat agenttigi Astana telearnasynyń deregin negizge alyp. Bıshimbaevqa munda ekinshi qabattaǵy 14 adamǵa arnalǵan bólmeden oryn buıyrypty. Jatatyn jerdiń aýmaǵy nebári eki sharshy metr. Úsh mezgil tamaqty da kópshilik sottalǵandarmen birge ishedi. Túrme basshylarynyń aıtýynsha, Qýandyq Bıshimbaev bul jerge 15 aqpanda kelgen. Ol ázirge qara jumysqa aralasa qoımapty. Biraq, mádenı sharalarǵa qatysýǵa ket ári emes. Eks-mınıstr suhbat berýge de, taspaǵa túsýge de kelisken joq.   

Qazirgi tańda № 2 jasaqqa basqa da sottalǵandarmen birge ornalastyrdyq. Búgingi tańda oǵan eshqandaı erekshe kózqaras, erekshe jaǵdaı jasalynǵan joq. Tártip bárine bir. Sonymen qosa aıtarymyz barlyq zańdy talaptardy atqaryp jatyr. Tártip buzǵan emes. Sottalǵan Bıshimbaev áli kúnge deıin jumysqa ornalasýǵa nıet bildirmedi. Biraq, mekemeniń mádenı is-sharalaryna qatysýǵa nıet bildirip, ótinish jasady, - deıdi túzetý mekemesiniń bastyǵy Baǵdat Ásilbekov.

Aıta keteıik, Bıshimbaev buǵan deıin Túrkistan oblysyna qarasty Tóle bı aýdanyndaǵy qaýipsizdigi barynsha joǵary túzeý mekemesinde otyrǵan. Onyń qorǵaýshysy eks-mınıstrdiń jazasyn óteý tártibin jeńildetýdi surap sotqa talap-aryz túsirgen. Tipti, ony qonys kolonıasyna aýystyrýdy da suraǵany aıtylǵan. Biraq, sot tek ishinara qanaǵattandyrdy. Eske salaıyq, burynǵy Ulttyq ekonomıka mınıstri byltyr 10 jylǵa sottalǵan.  

Usynǵan: Ásel Bolatqyzy