Túrkistan  oblysynda qoqys polıgony mańynda turatyn halyq múńkigen ıiske tunshyǵýda. Polıgonnen kelgen kesel! Túrkistan oblysynda eki jyl buryn paıdalanýǵa berilgen kúl - qoqysqa arnalǵan aýmaq sol mańdaǵy jurttyń mazasyn qashyryp jatyr. Saıram   aýdanyna qarasty Qarabulaq eldi mekeniniń turǵyndary tútinge tunshyǵyp, múńkigen ıisten mezi bolǵandaryn alǵa tartty. Tipti, múgedek bolyp týylǵan sábıler de bar eken. Bul týraly Qamshy.kz aqparat agenttigi habarlaıdy  Eýrazıa birinshi arnasynyń deregin negizge ala otyryp.

Bul - Qarabulaq aýylynyń irgesindegi turmystyq zattar qaldyǵyn tastaıtyn oryn. Aýmaǵy atshaptyrym jerdi alyp jatyr. Aınalasy plasıkalyq zattar men kúl-qoqysqa  tolyp   qalǵan. 
Saıram aýdanyna qarasty 40 eldi mekenniń turmystyq zattar qaldyqtary mine osy polıgonǵa jetkiziledi. Kem degende kúnine 10 avtokólik kúl qoqysty osynda ákep tógedi. Arnaıy tehnıkanyń kómegimen ony ashyqtan - ashyq saı salaǵa kómip jatyr. Turǵyndardyń ashýyn týǵyzyp otyrǵan da osy másele. Óıtkeni, osy jerden taraıtyn keıbir ýly zattar bizdiń balalarymyzdy ýlap jatyr deıdi.

Artyq Qaljálilov, Qarabulaq aýylynyń turǵyny: Balalardyń barlyǵy erteń múgedek bolady. Qazaqstan Respýblıkasynyń azamaty retinde qyzmetke jaramaı qalady. Sonda erteńgi urpaǵymyz ne bolady.

Ushqyn Qaljálilov, Qarabulaq aýylynyń turǵyny: 4 jyl ishinde múgedekterimiz kóbeıip jatyr. Denesine jara shyǵyp ketkenin kórsetti. Kúni ertesine olar bizdi qorqyta bastady. "Eger aıtsań úıińdi buzamyz" - deıdi.

Polıgon osydan jeti jyl buryn Oblystyq qurylys basqarmasynyń tapsyrysymen salynǵan. Qazynadan 49 mıllıon teńge jumsalypty. Áý basta jer kólemi 6.5 gektarǵa shaqtalyp, keıin jańa talapqa sáıkes, onyń 4.5 gektary qysqartylǵan. Sebebi, kúl-qoqys tastaıyn oryn eldi mekennen kem degende bir shaqyrym qashyqtyqta bolýy shart eken. Sóıtip, jergilikti bılik álgi jerdi qaıta jasaqtaýǵa týra kelipti. 

Al, Saıram aýdandyq turǵyn úı-kommýnaldyq sharýashylyq bóliminiń basshysy Erbol Sarybekov bolsa qazir, polıgonnyń aýmaǵy 2 gektar. 4.5 gektardy qysqarǵanyn, sol jerge 49 myń dana aǵash kósheti egilip, ol jerde kógaldandyrý, abattandyrý jumystary júrip jatqandyǵyn aıtady.

Alaıda, ákimdiktiń bul sózine halyq sener emes. Shyndyqty aıtyp, shyryldaǵandardy túrli aıla - amalmen qorqytyp jatyr deıdi.  Degenmen, búdjetten qyrýar qarajat jumsap, arnaıy jasalǵan oryndy endi basqa jaqqa kóshirý múmkin emes. Tek, aınalasyn abattandyryp, talapqa sáıkestendirse bolǵany deıdi ákimdik qyzmetkerleri. Sondyqtan, jergilikti jurtqa basqa salǵanǵa kóngennen basqa amaly joq.

Usynǵan: Farıza Jomartqyzy