Almatyda 2018 jyly 13 jasar qyzdy zorlady degen aıyppen  úsh jasóspirim sottalǵan bolatyn. Qazirgi tańda jábirlenýshiler jazǵan aryzyn qaıtyp alyp, zorlady dep aıyptalǵan 3 jigitti qaıta bosatýdy surap otyr dep habarlaıdy Qamshy.kz aqparat agenttigi Zakon.kz saıtynyń deregin negizge ala otyryp.

2018 jylǵy 16 qarashada Almaty qalasynyń mamandandyrylǵan aýdanaralyq sotynda sýdıa K.Abdeldınov kámeletke tolmaǵan sottalýshylarǵa: V.M. jáne L.V. 16 jyl, Sh.N. - 15 jyl bergen.  Olar kámeletke tolmaǵandardy zorlaý jáne kámeletke tolmaǵandarǵa qatysty jynystyq sıpattaǵy zorlyq-zombylyq aktileri boıynsha segiz jylǵa deıin bas bostandyǵynan aırylǵan bolatyn.

Alaıda, is boıynsha jábirlenýshi dep tanylǵan qyz jasóspirimderdi jazalamaýyn ótinip jáne kesilgen  úkimdi qaıta qaraýdy surap otyr.

Máseleniń anyq-qanyǵy túsinikti bolý úshin basynan bastaıyq: 22 naýryzda balalar dostarynyń týǵan kúnin toılaý úshin Nıkıtanyń úıine qonaqqa barǵan. 

— Meni Nıkıtanyń týǵan kúnine shaqyrdy. Bİz ishimdikter alyp, birinshi ret dámin tatyp kórgimiz keldi. Basynda bári kóńildi, oıdaǵydaı bolǵan. Kenet meniń júregim aını bastady. Kıimimdi tazalaýǵa bardym, maǵan dostarym kómektesti. Odan keıin anam meni alyp ketti - deıdi 13 jastaǵy qyz.

Onyń anasy keshke barýǵa qyzyna ruqsat bermegen. Qyzyna qońyraý shalǵanda, onyń uıaly telefony óshirýli bolǵan eken.

— Men sol kúni jumysta qalǵyp ketippin . Uıqymnan tura sala birden qyzyma bardym. Ony úıge alyp kelgennen keıin, qyzymnyń alkagoldik ishimdik ishkenin baıqadym. Onyń kıimin aýystyryp jatyp, ish kıiminiń joq ekenin baıqadym. Jaǵdaıdyń anyq-qanyǵyn anyqtaý úshin birden polısıaǵa habarlastym. 

Qyzdyń aıtýynsha dál sol kúni qyzdyń aılyq belgisi baıqalǵan, sondyqtan shalbary qanǵa boıalǵan eken. Bul jaǵdaı anasyn qatty eseńgiretip jibergen. 

Alǵashqy kúnderi qyz ózin eshkim zorlamaǵanyn aıtqanymen, oǵan ne anasy, ne tergeýshiler qulaq aspaǵan. Sebebi, tekseris nátıjesi qyzda zorlyq kórsetýdiń belgisi bar ekendigin málimdegen. 

— Tergeýshiler maǵan zorlady dep aıtýǵa májbúrledi. Eger men olaı aıtpasam, olar anamdy túrmege otyrǵyzatynyn aıtyp qorqytty. Men sol kúni ishimdik ishkenim úshin jáne basqalardy aldaǵanym úshin qatty uıalamyn - deıdi jábirlenýshi qyz. 

Medısınalyq sarapshy Korkına ish kıimde de, jábirlenýshi men kúdiktilerdiń kıiminde de uryqtyń, silekeıdiń bolmaǵandyǵyn anyqtaǵan. Tergeýshi bul saraptama nátıjesimen kelispeı, qaıta tekseristen ótýge  jibergen.

Oqıǵadan bir aı ótkennen keıin, anasy qyzyn basqa gınekologqa aparyp kórsetkende, ol qyzyna eshqandaı zaqym kelmegenin, sondaı-aq qyzdyq perdesiniń de ornynda ekenin málimdegen. 

— Bizdi eshkim tyńdamaıdy. Senbeıdi. Men qatelesken ekenmin. Sonyń kesirinen  kinásiz jasóspirimder  zardap shegip jatyr. «Biz sot isi bul isti qaıta qarap, ádil sheshim shyǵarǵanyn talap etemiz », - deıdi 13 jastaǵy qyzdyń anasy.

Bul jaǵdaıdan keıin 13 jasar qyz óz-ózine qol jumsamaqshy bolǵanymen, adamdar ony der kezinde baıqap, aman alyp qalǵan. Óz-ózine qol jumsamas buryn qyz anasyna eger zorlady dep aıptalǵandar bostandyqqa shyqpasa, ary qaraı ómir súrmeıtindigin aıtqan. 

Qazirgi tańda bul jaǵdaıdy sot isi qaıta qarap jatyr, sottyń úshinshi otyrysy 15 naýryzǵa belgilendi. Sondaı-aq  jalǵan aqparat bergeni úshin de saraptama jasaýshy Korkına da jaýapqa tartylatynyn habarlady.

Aýdarǵan: Farıza Jomartqyzy