«Bostannan kelgen shaıyr balaqaı» degen laqap atqa ıe bolǵan Sem Lengford álemdegi eń myqty bokserlerdiń biri. Ol tek boks áleminde ǵana tanymaldylyqqa ıe bolǵan. Lengford qarsylasyn tez arada nokaýtqa jiberetin qabiletimen tanymal. Qalaýy da sol bolǵan sıaqty.
Boıy 170 santımetr, dene bitimi tyǵyrshyqtaı Lengford áýelde jeńil salmaqta kúsh synasqan. Keıinirek aýyr salmaqqa kóshti. Aýyr salmaqta saıysqa túsetindikten, sol zamannyń chempıondary onymen kúsh synasýdan qashqaqtaıtyn. Sebebi, qarsylastary bas súıegińdi shashyp tastaýy múmkin onyń oń qolynyń qatty soqqysynan qorqatyn. Sondaı bokserlerdiń biri ataqty aýyr salmaqty chempıon Djek Djonson edi.
Qaýesetke sensek, ol Lengfordty jeńe alatyn jalǵyz adam eken. Sol sebepti de keıde Lengfordty «Eshkim tanymaıtyn ataqty bokser» dep te ataıdy. Óıtkeni, onyń zamany oǵan úlken rıngte óz kúshin kórsetýge esh múmkindik bermegen.
Muny tipti uıatty is dese de bolady. Sebebi, Lengford óziniń myqty soqqysynyń arqasynda ómirinde kezdesken kez kelgen jannyń syı-qurmetine ıe bolǵan fenomen, teńdesi joq bokser edi.
Mysaly, boksshy Harrı Ýıllsten bir kúni "Lengfordtan jeńilý qandaı eken?" dep suraǵanda «judyryǵy meni tesip ótti dep oıladym» dep jaýap bergen eken. "Lengford nokaýtqa jibergende qandaı sezimde boldyń?" degende, Ýılls: «bitken jerim osy, ólgen shyǵarmyn dep oıladym"- depti. Ýıllstyń ózi de aýyr salmaqta kúsh synasqan. Tipti Lengfordan 15 santımetr bıik bolǵan. Sondyqtan, ol betińe judyryqtyń aýyr soqqysy tıýdiń ne ekenin óte jaqsy bilgen.
Qarsylasyn murttaı ushyratyn soqqysymen qatar, Lengford óte shapshań boksshy bolǵan. Derekterge súıensek, ol óte shydamdy bolǵan desedi. Tipti tym kesh kezdesýler kezinde de qarsylasyn nokaýtqa jiberetindeı kúshi bolǵan eken. Oǵan qosa, boksshynyń soqqysynyń kúshtiligi sonsha, qarsylastary tym uzaqqa shydamaǵan. Tek keıbir qarsylastary sońǵy kúshi qalǵansha, ekinshileri birshama uzaq tóbelesken desedi.
Lengford qarsylastarynyń kóbisin birinshi raýndta-aq nokaýtqa jiberetin. Sóıtip, rıngten tezirek ketýge asyqqan. Jankúıerleriniń biri "nege sonsha ketýge asyǵasyń?" dep suraǵanda, Lengford jymıyp: «Bilesiń be, saǵat 11:30-da poıyzym júrip ketedi»-dep jaýap bergen eken.
Derekkóz: prikolno.cc
Usynǵan: Maqpal Sembaı
