Densaýlyq saqtaý mınıstrligi Qazaqstanda kámeletke tolmaǵandarǵa seksýaldyq qorlyq kórsetken  88 pedofıldi kastrasıalaýǵa  qarajat bólingenin habarlady.  Bul týraly Qamshy.kz aqparat agenttigi Tengrinews.kz saıtyna sileteme jasaı otyryp habarlaıdy.

«Penıtensıarlyq júıeniń bólimsheleri: 2019 jyly 88 pedofılge hımıalyq kastrasıa júrgizýdi uıymdastyrý josparlanyp otyr - dep habarlady. 

Densaýlyq saqtaý basqarmalarynyń derekterine súıensek 2018 jyly Qazaqstanda sot sheshimderine sáıkes eki sottalǵan pedofıldi kastrasıalaý taǵaıyndalǵan bolatyn. KÝIS málimetteri boıynsha, tutqyndar Jambyl jáne Pavlodar oblystarynyń qylmystyq-atqarý júıesiniń mekemelerinde.

Densaýlyq saqtaý mınıstrligi 2018 jyldyń sońyna deıin Qazaqstanda hımıalyq kastrasıalaý prosedýrasy júrgizilmegenin aıtty. 

Sonymen qatar, vedomstvo kastrasıaǵa qatysty erejelerdi túsindirdi. Prosedýra sot sheshimi negizinde jáne jynystyq artyqshylyqtan zardap shekken adamdarda dekompensasıalardyń jaı-kúıin boldyrmaý maqsatynda júrgiziledi. Qazaqstan Respýblıkasynyń Qylmystyq kodeksiniń 91-babynyń 2-tarmaǵyna sáıkes «Medısınalyq sıpattaǵy májbúrleý sharalaryn qoldanýdyń negizderi» kastrasıa  adamdarǵa eleýli zıan keltiretin nemese ózderine sondaı-aq basqa adamdarǵa qaýip tóndiretin jaǵdaılarda ǵana taǵaıyndalady.

Departament sondaı-aq, májbúrlep emdeýge jatatyn adamdardyń yqtımal sany tek sot-tergeý organdaryna ǵana belgili bolatynyn málimdedi.

Aıta ketsek, hımıalyq kastrasıa - jynystyq belseendilikti azaıtatyn preparat. Bul rásim kámelettik jasqa tolmaǵandarǵa zorlyq-zombylyqpen  qylmys jasaǵan 18 jastan asqan tulǵalarǵa qoldanylýy múmkin.

Aýdarǵan: Farıza Jomartqyzy