Senat otyrysynda joǵary palata tóraıymy Darıǵa Nazarbaeva Qojamjarovty senat depýtaty bolyp taǵaıyndalýymen quttyqtady dep habarlaıdy Qamshy.kz aqparat agenttigi sputniknews.kz saıtynyń deregin negizge ala otyryp.
Jýyrda senat depýtaty bolǵan burynǵy bas prokýror Qaırat Qojamjarov ant berdi
Búgin senattyń jalpy otyrysynda joǵary palata tóraıymy Darıǵa Nazarbaeva Qaırat Qojamjarovty senat depýtaty bolyp taǵaıyndalýymen quttyqtady.
"Qaırat Perneshuly bilikti jáne tájirıbeli zańger retinde senattyń zań shyǵarýshylyq qyzmetine belsendi túrde aralasyp, qomaqty úles qosady dep senemiz", - dedi senattyń jańa tóraıymy.
Belgilengen tártip boınysha jańadan taǵaıyndalǵan depýtat palata otyrysynda ant berdi.
"Qazaqstan halqyna adal qyzmet etýge, Qazaqstannyń tutastyǵy men táýelsizdigin nyǵaıtýǵa, onyń Konstıýtsıasy men zańdaryna qatań baǵynýǵa, depýtattyń ózime júktelgene mártebeli mindetterin adal atqarýǵa ant beremin", - dedi Qojamjarov.
"Búgin bergen antqa adal bolyp, qyzmetińizdiń tabysty bolýyna tilektespiz", - dedi Darıǵa Nazarbaeva.
Sonymen qatar, Qojamjarov senatorlardyń daýys berýimen joǵarǵy palatanyń halyqaralyq qatynastar, qorǵanys jáne qaýipsizdik jónindegi turaqty komıtetiniń quramyna kirdi.
Buǵan qosa, senat otyrysynda depýtat Darhan Satybaldynyń ókilettigi toqtatyldy.
Jaqynda Satybaldy Qazaqstannyń Ózbekstandaǵy tótenshe jáne ókiletti elshisi bolyp taǵaıyndalǵan edi.
Usynǵan: Farıza Jomartqyzy
