Júksalǵyshynan býma-býma aqsha men oq dári, travmat tabylǵan modeldegi Toyota Camry avtokóligi Taldyqorǵan ákimi Dastan Shaltabaevtyń balasyna tıesili ekeni rastaldy.

Aıta ketý kerek, naýryz aıaǵynyń sońynda jol-kólik polısıasy sheteldik markadaǵy kólikti toqtatady. Kólik tizgininde ákimniń ulynyń dosy bolǵan. 055 QQQ 05 nomerin taǵyp, terezelerin qarańǵylaǵan kólik polısıa qyzmetkerleriniń kóńiline kúdik salsa kerek. Biraq kólik ishinde ákimniń balasy Turlyhan Turarbek bolmaǵan. Ol sabaqta otyrǵanda A. Sháripov, N. Maqul jáne S. Beısen esimdi dostary kóńil kótermek bolǵan syńaıly. 

Tekseris barysynda birqatar zańsyz dúnıeler tabylyp, tárkilengen. Olardyń barlyǵy N. Maqul esimdi jasóspirimge tıesili bolsa kerek-mys. Óıtkeni, osy azamattyń tarapyna QR QK 287 babynyń 2-tarmaǵy boıynsha (zańsyz qarý, jarylǵysh zattar tutyný, tasymaldaý) is qozǵalyp, sotqa deıingi tergep-tekserý áreketi júrgizilýde. 

Qazir Taldyqorǵannyń eks-ákimi Dastan Shalabaev jańa qyzmetke aýysty. Ákimdikten ketken ol «Qorǵas» Shekara mańy yntymaqtastyǵynyń halyqaralyq ortalyǵyna jumysqa ornalasty. Qyzmettik tekserýler onyń eshqandaı quqyq buzýshylyqqa barmaǵanyn dáleldedi.