Dımash Qudaıbergen Qazaqstan jáne Ózbekstannyń prezıdentterimen kezdesti dep jazady Qamshy.kz aqparat agenttigi. Bul týraly QR prezıdenti Toqaev óziniń Instagram paraqshasyna jarıalady.
"Dımash Qudaıbergen – án ónerindegi qubylys, naǵyz talant ıesi. Qazaqtyń mádenıetin, án ónerin shartarapqa pash etip júrgen vırtýoz. Keshe qazaqtyń maqtanyshyna Ózbekstan jurtshylyǵy da tánti bolyp, ónerine qol soqty. Dımashtyń áli talaı bıikterdi baǵyndyraryna senimdimin jáne tilektespin",- dep jazdy QR prezıdenti Toqaev.
♦Dımash Ózbekstanda óner kórsetip, ózbek jurtyn tańǵaldyrdy (vıdeo)
Sondaı-aq Dımash Qudaıbergen de memleket basshysyna alǵysyn bildirdi.
Eske sala ketsek, Ózbekstandaǵy Qazaqstan jylynyń ashylý rásimine arnalǵan gala konsertte Dımash Qudaıbergen de óner kórsetip, ózbestandyqtardyń ystyq yqylasyna bólengen edi.
