Túrkistan oblysy Sharadara aýdanynyń 1999 jyly mektep túlekteri 20 jyldyq mereıtoıdy qaırymdylyq sharasyna arnaýdy jón kórgen dep jazady Qamshy.kz aqparat agenttigi yujanka.kz saıtynyń deregin negizge alyp.
Olar ózderiniń 9 balasy bar synyptasyna úı syılady. Al Andreı men Anastasıa Volokıtınderdiń qýanyshynda shek joq. Úıdiń otaǵasy Andreı turmystyq tehnıkany jóndeýmen aınalysady. Al Anastasıa bolsa úı sharýasymen, bala tárbıesimen úıde otyrady. Buǵan deıin olar páter jaldap kelgen edi. Endi olardy baspana máselesi bas aýyrtpaıtyn boldy.
Sondaı-aq aýdandyq ákimshiliktiń kómegimen jańa úıge jaryqpen, sýmen qamtamasyz etildi. Qýanyshty jańalyqty búkil aýyl bolyp dastarhan basynda toılady. Kelgen qonaqtar da qur qol kelmeı, gaz plıtasyn, kilemdi syıǵa tartty.
Al Shardary aýdan ákiminiń orynbasary Baýyrjan Shompıev qaırymdylyq sharasyna atsalysqan mektep túlekterine Alǵys hat tapsyrdy.
Usynǵan: Ásel Bolatqyzy
