Reseılik telejúrgizýshi Dmıtrıı Breıtenbıher qostanaılyqtan qazaq tilinde keshirim surady dep habarlaıdy Qamshy.kz aqparat agenttigi. 

"Ne? Qaıda? Qashan?" atty reseılik tanymal baǵdarlamada suraq qoıǵan qostanaılyq kórermen 147 myń teńge utys alýy kerek bolatyn. 

Qostanaılyq turǵyn atalmysh baǵdarlamaǵa saýal joldaǵan. Onyń suraǵy "Sýperblıs" bóliminde oqyldy. "Sýperblıs" erejesi boıynsha ıntellektýal úsh saýalǵa birdeı durys jaýap berýi kerek. Al Sergeıdiń suraǵy birinshi bolyp oqyldy. Ol "fın jazýshysy eki adam kináli bolsa da  sonyń bireýi tóleıtin aıyppul bar. Bul qandaı aıyppul?" degen suraq qoıdy. Atalmysh suraqqa oıynshy "bosaný" dep jaýap bergen bolatyn. Alaıda júrgizýshi oıynshyǵa "Balany dúnıege ákelýdi de aıyppul sanaısyz ba?" dep suraq qoıdy. Oıynshy birden oıyn jınaqtap, "allıment" dep suraqtyń durys jaýabyn tapqan bolatyn. Degenmen oıynshynyń bul jaýaby qabyldanbaǵan edi. Sebebi telejúrgizýshi oǵan kómektesti. Telejúrgizýshi bul qaǵıdany eskermeı oıyndy odan ári jalǵastyrǵan bolatyn. Biraq kelesi oıynda Dmıtrıı Breıtenbıher qostanaılyqtan keshirim surady. 

"Ótken oıynnyń sońynda men qazaqstandyq Sergeı Smolenúktiń 25 myń rúbl (147 myń teńge) alatynyn aıtýdy umytyppyn. Sebebi oıyn qatysýshysy saýalǵa tek júrgizýshiniń kómegimen jaýap berdi. Sondyqtan, Sergeı, keshirińiz men!", - dedi  reseılik telejúrgizýshi. 

Aýdarǵan: Ásel Bolatqyzy