Belgili ónertanýshy, Qazaqstan Jýrnalıser Odaǵynyń múshesi, B.Maılın atyndaǵy qoǵamdyq qordyń atqarýshy dırektory Jumabek Tabyn dúnıeden ozdy. Áleýmettik jelidegi úzeńgilesteri halyq ulynyń ómirden ótkenine qaıǵyryp, kóńil aıtýda.

"Jarqyn aǵanyń artynan Jumabek Tabyn aǵam da ana dúnıege attanyp ketipti . Beıimbettiń sózi, Ahańnyń kózindeı ańqyldap júrgen aǵamyz edi. Alla panasyna alǵaı!" -  dep kóńil bildirdi Serikbol Hasan.

Óleńine arqaý bolyp, tóbesin bult shalǵanda janynan tabylǵan azamattyń erligin aıtysyp jatqan qoldanýshylar qanshama.

"Marqum aqyn Temirshe Sarybaev kókemizdiń qazasyna kóńil aıta barǵanda Jumabek Tabyn aǵamyzben túnniń bir ýaǵyna deıin túrli taqyryptarda syrlasyp, sóılesip edik. Adamdy jatsynbaı birden ózine baýrap alatyn qasıeti erekshe esimde qalypty. "Muhtarjan, bıyl Sáken Imanasov aǵam men Temirshe aǵam qatar ketip qalyp, kókiregim qars aırylyp otyr. Qara jerge qımaıtyn asyldarym edi, qaıteıin, " -dep tómen qaraǵanda, ol kisiniń eki ıyǵynyń dármensiz selkildep otyrǵanyn baıqadym. Adamdy jylatatyn adamnyń qadiri eken ǵoı, áıtpese kim ótpeı jatyr bul beıopa jalǵannan?! Sol Jumaǵamyzdyń ózi de búgin baqı saparyna attanyp ketipti. Alla aldynan jarylqasyn! "Jaman adam ótse, dúnıe keńip qalǵandaı, jaqsy adam ótse, dúnıe kemip qalǵandaı bolady" deýshi edi úlkender, qazaq rýhanıatynyń bir búıirin solq etkizgen qaza boldy, aqyry haıyrly bolǵaı!" - dep pikir jazdy belgili aıtysker Muhtar Nıazov óz paraqshasynda.

Ulttyń uly umytylmaıdy. El úshin jasaǵan árbir isi azamattyń abyroıyn asqaqtatyp tura bermek.