28 jastaǵy azamatshynyń úsh qyz balaǵa adam sengisiz aıýandyqpen zorlyq kórsetkeni týraly aqparat búgin keńinen tarap ketti.

Qazirgi ýaqytta úsh qyz bala aýdandyq aýrýhanada jatyr. Olardyń ómirine de, densaýlyǵyna da eshqandaı qaýip-qatar tónip turǵan joq. Al quqyq qorǵaý qyzmetkerleri oqıǵanyń mán jaıyn anyqtaý úshin qylmystyq is qozǵady.

Atalmysh is QR Bas prokýratýrasy, İshki ister departamenti men Bilim jáne ǵylym mınıstrliginiń jeke baqylaýyna alyndy.

Búgin atalmysh máselege qatysty Bilim jáne ǵylym mınıstri Kúlásh Shamshıdınova Túrkistan oblysyna shuǵyl saparmen mınıstr keńesshisi Raısa Sherdi jiberdi.

"Áleýmettik jeli arqyly keńinen taralyp, Jetisaı aýdanyndaǵy bir otbasynda oryn alǵan ógeı anasynyń qatygezdikpen balalaryn uryp-soǵyp, dene jaraqattaryn salý arqyly zorlyq kórsetken jaıt boıynsha qylmystyq is qozǵaldy. Máseleniń mán-jaıyn anyqtaý úshin arnaıy komısıa quryldy. Komısıa sheshimimen balalar ájesine tapsyrylǵan. İshki ister mınıstri Erlan Turǵymbaev bul máseleni óz baqylaýyna aldy", - dep málimdeme jasady QR İİM resmı ókili – baspasóz hatshysy Nurdildá Oraz.

Atalmysh máselege qatysty Túrkistan İİD baspasóz hatshysy Saltanat Qarakózovanyń málimdemesi beınematerıalda.