Búgin Almaty oblysy Kerbulaq aýdanynyń kásipkerleri taǵy da eki otbasyǵa baspana syılady. Jańa shańyraq ıeleriniń ekeýi de – jalǵyz basty analar. Biri 3 kishkentaıdy,  ekinshisi 7 birdeı balany baǵyp otyr.

Sarybulaq aýylynyń turǵyny, 7 balanyń anasy Meıramgúl Báıseıtovaǵa, osy aýylda ornalasqan "Sarybulaq" sharýa qojalyǵynyń basshylary 4 bólmeli úıdi satyp ápergen.

«Osy kúnge deıin 7 balamen baspanasyz, jaldamaly  páterde turdym. Eki balam oqıdy,  5 balam mektepte. Jalǵyz ózimniń qolymnan kelgeninshe tyrmysyp, balalarymdy jetkizip kelemin. Endigi ózimizdiń úıimiz bar. Bul biz úshin úlken kómek boldy. Qojalyq basshylyǵyna alǵysym sheksiz »,- deıdi kóp balany batyr ana kózine jas alyp.

Sonymen qatar,  Altynemel  ulttyq memlekettik tabıǵı parkiniń  bas dırektory Halyq  Ońǵaruly  Sembaı Gúlsanat esimdi jalǵyz basty anany úsh bólmeli keń úıge kirgizdi.

«6 jyldan astam ýaqyt jaldamaly páterde turdym. Kishi balam endi ǵana 3-ke toldy, eki balam mektepte oqıdy. Týǵan týystyń jáne osyndaı zıaly azamattardyń arqasynda kúnimizdi kórip júrmiz» , - dedi jas ana.

Aıta ketý kerek, aýdanda naýryz aıynda bastaý alǵan qaıyrymdy shara osymen 8 birdeı otbasyny baspanaly qyldy. "Bul shara áli de jalǵasyn taba bermek",– deıdi aýdan belsendileri.