Jelide belgisiz qoldanýshynyń Shetpe mańynda bolǵan jol-kólik apaty oryn alǵan jerden jarıalaǵan beınematerıaly jaryq kórdi. 24-sáýir kúni keshqurym Mańǵystaý oblysynyń terıtorıasynda bolǵan oqıǵa orynynan kináli júrgizýshi qashyp ketken dep habarlaıdy Qamshy.kz aqparat agenttigi lada.kz saıtyna silteme jasap.

Toyota Hilux avtokóliginiń júrgizýshisi Toyota Camry kóligindegi zardap shekkenderdiń hálin kórgen soń óz mashınasynyń nomerin alyp, belgisiz baǵytqa iz sýytqan. Zardap shekken kóliktiń ishinde úsh er adam jáne júkti áıel bolypty.

"Kýágerler polısıa shaqyrdy. Tártip saqshylary keldi de, artynan dereý ketip qaldy. basqa patrúldik kólik arada jarty saǵat ótkennen keıin keldi", - deıdi beınerolık avtory.

Jedel járdem kelgen bette úsh jasóspirimge alǵashqy medısınalyq kómek kórsetip, úıine qaıtardy. Al aıaǵy aýyr áıeldi oblys ortalyǵyndaǵy aýrýhanaǵa jetkizgen. 25-sáýir kúni ony dárigerlerdiń nusqaýymen Shetpege emdelý prosesin ári qaraı jalǵastyrýǵa jiberdi.

Avtor jol talǵamaıtyn kóliktiń rólinde qaladaǵy beldi sheneýnikterdiń biri ekenine shúbási joq ekenin aıtady.

Usynǵan: Ádilet Mádenıet