"Bárimiz jýsannyń kóktemgi hosh ıisi – Uly Dalanyń jańǵyrýy men jańarýynyńnyshany ekenin bilemiz. Álbette, bul bizdiń Otanymyzdyń ıisi, ol dáýirlerdiń ótkenin, búginin jáne bolashaǵyn jalǵastyrady. Bizdiń Banktiń latyn jazýly qazaqsha jańa ataýy - Jýsan Bank bizdiń qundylyqtarymyzdy: tutastyǵymyz ben ilgeri damýymyzdy bildiredi" – dep Basqarma Tóraǵasy Bekjan Pirmatov pikirimen bólisti.

Rebrendıng týraly sheshim Banktiń jańa bıznes strategıasynyń sheńberinde qabyldandy jáne 2019 jyldyń aǵymynda syrtqy jarnama nyshandary kezeń-kezińimen ózgertilip, Jýsan Bank ataýymen jáne belgisimen jańa banktik ónimder jáne basqa da quraldar engiziletin bolady. Bul rette klıentterge Bank qyzmetine baılanysty qujattarǵa qandaı da bir ózgertýler engizý, kartalardy qaıta shyǵarý jáne sharttarǵa qaıta qol qoıý sıaqty máseleler jóninde alańdaýdyń qajeti joq.

"Biz tranzıttik kezeńdi sátti ótkerip, Bankti tolyq saýyqtyrdyq jáne básekege qabiletti jańa kredıt ónimderin iske qosyp ta úlgerdik. 1 sáýirdegi jaǵdaı boıynsha Bank 680 mlrd teńgedan nemese barlyq aktıvteriniń 70% asatyn somamen joǵary ótimdilikti aktıvter úlesi boıynsha naryqtaǵy úzdikter úshtigine kiredi, sondaı-aq kredıttik portfelge qalyptastyrylǵan rezervter kólemi boıynsha birinshi orynda", – dedi B.Pirmatov.

"Bank ataýynyń Jýsan Bank dep ózgertilýi, bizdiń komanda úshin, sondaı-aq bizdiń klıentterimiz úshin de bizdiń barlyq jańa ónimderimiz ben qyzmetterimiz ınovasıalyq jáne yńǵaıly bolýy kózqarasynda ilgerileıtin pozıtıvti jaǵdaı bolyp tabylady. Jýsan Bank-te óz shańyraǵyńyzdaǵydaı báriniń jaıly da senimdi bolǵanyn qalaımyz", –  dedi "First Heartland Jýsan Bank" AQ Basqarma Tóraǵasy.

Usynǵan: Ásel Bolatqyzy