Telejúrgizýshi Vladımır Pozner postkeńestik elderge demokratıanyń qajettiligi týraly pikir bildirdi dep habarlaıdy Qamshy.kz aqparat agenttigi Pozner Online saıtyna silteme jasap.

"Qurmetti, Vladımır Vladımırovıch! "Pozner" baǵdarlamasynyń sońǵy sanynda Pogrebınskıı myrzamen birge áńgime órbitip, ózbekstandyq áıelmen sóılesý barysynda onyń "bizge demokratıa kerek emes" dep aıtqanyn tilge tıek ettińizder. Demokratıa jalpy postkeńestik elderge kerek pe nemese olar oǵan qashan daıyn bolady? Óz oıyńyzdy bildire alasyz ba?" - dep suraq qoıdy Bahrom Radjabov esimdi oqyrman.

Pozner oqyrmannyń suraǵyn jaýapsyz qaldyrmady. Onyń aıtýynsha, postkeńestik elder sanalatyn Baltyq jaǵalaýy memleketteri, Grýzıa, Moldavıa, Ýkraına jáne Reseı syndy memleketterge demokratıa belgili bir deńgeıde kerek. Al Ázirbaıjan, Qazaqstan jáne basqa da Orta Azıa elderine dál qazirgi ýaqytta demokratıanyń túk qajeti joq.

"Degenmen, ekinshi sanatta atalǵan elder tarıhı damý men tájirıbe jınaý arqyly kúnderdiń kúninde demokratıaǵa daıyn bolmaq. Olar qashan daıyn bolady, demokratıa da sol kezde ornaıdy", - dep túıdi sózin belgili telejúrgizýshi.

Usynǵan: Ádilet Mádenıet