Bıletterdiń jalpy sanynyń 2 prosenti ǵana basqa baǵamen satylǵan.”Fly Arystan” búdjettik áýe kompanıasynyń bıletteri qymbattaǵan joq. Buǵan deıin aıtylǵan baǵamen satylyp jatyr. Bul týraly premer-mınıstrdiń orynbasary Jeńis Qasymbek málimdedi dep habarlaıdy Qamshy.kz aqparat agenttigi ZAN Media saıtyna silteme jasap. 

Belgili bolǵandaı, jolaýshylardyń 2 prosenti “Fly Arystan” bıletterin qymbatqa satyp alǵan.

"Men bir apta buryn monıtorıń jasadym. Bıletterdiń jalpy sanynyń 2 prosenti ǵana basqa baǵamen satylǵan. Al, negizinen, bıletter kompanıa belgilegen baǵamen satylyp jatyr. Máselen, Oral baǵytyna – 12-13 myń teńge, Tarazǵa –  6 900 teńge", – dedi Qasymbek úkimet kýlýarynda.

Úkimet basshysynyń orynbasary bılet qunynyń ártúrli bolýy jolaýshynyń júgi men tańdaǵan ornyna baılanysty ekenin aıtty.

"Bireý júgimen ushady, endi bireýleri barlyq bılet satylyp ketken kezde bir-aq alady. Bul dınamıkalyq júıe", – dedi ol.

Onyń aıtýynsha, Qazaqstannyń avıasıalyq tasymal naryǵy aıtarlyqtaı úlken emes. Jyl saıyn 5-6 mıllıon adam ushady.

"Qazir Nur-Sultan men Almaty arasynda qatynaıtyn temirjol jolaýshylarynyń bir bóligi osy loýkosterge aýysyp jatyr",- dedi Qasymbek.

Aıtýynsha, bıyl Fly Arystan áýe kompanıasynda tórt ushaq bolady. Jańa áýe kompanıasy bir jyldyń ishinde 1 mıllıon adam tasymaldaýdy josparlap otyr.

Usynǵan: Ádilet Mádenıet