Almaty oblysynyń Tekeli qalasynda kóp balaly jáne turmysy tómen otbasylarǵa arnaıy 40 páterli turǵyn úı salynbaq. Atalmysh turǵyn úı qurylysy osy jyldyń maýsym aıynda bastalyp, 6 aıǵa sozylady dep habarlaıdy óńirlik komýnıkasıalar qyzmeti.

40 otbasyǵa eseptelgen bul jobanyń smetalyq qujaty ótken jyly  daıyndalǵan. Búgin de memlekettik saraptamadan oń baǵa alyp, kerekti qarajat bólindi.

«Qazirgi tańda qalada kóp balaly jáne turmysy tómen otbasylarǵa kóp kóńil bólinýde. Qalada 415 kópbalaly jáne 197 turmysy tómen otbasy tirkelgen. Jaqynda 40 páterli turǵyn úıdiń qurylysy bastalady. Qurylys jumystary jyl sońyna deıin jalǵasady », - deıdi qala ákimi Bahtıar Ónerbaev.

Aıta ketý kerek, dál osyndaı 40  páterli 2  turǵyn úıdiń smetalyq qujattary daıyn, endi memlekettik saraptamadan ótse, kelesi jyly taǵy da 80 otbasy úıli bolady.