Almaty oblysynda jyl basynan úlkendi-kishili joldarda tirkelgen jol-kólik oqıǵalarynyń sany 512-ge jetip, ólim jaǵdaıy kóbeıgen. Jol ústinde 100 adam qaıǵyly qazaǵa ushyrasa, 700-den astam jolaýshy túrli jaraqattar alǵan, - dep habarlaıdy óńirlik komýnıkasıalar qyzmeti.

Almaty oblystyq polısıa departamenti basshysynyń orynbasary Nurlan  Almasbekovtyń aıtýynsha, tirkelgen  jol-kólik oqıǵalarynyń basym kópshiligi júrgizýshilerdiń jaýapsyzdyǵynan bolyp otyr.

«Almaty oblysyna qarasty Almaty-Taldyqorǵan, Almaty-Taraz, Batys Eýropa – Batys Qytaı avtomagıstraldarynda jol-kólik oqıǵalary jıi tirkelýde. Byltyrǵy jyldyń osy ýaqytymen salystyrǵanda jol ústinde kóz jumǵan jandar sany ókinishke oraı, 53 paıyzǵa artty. Qaıǵyly jaǵdaıdyń basty sebebteriniń biri jyldamtyqty asyrý jáne mas kúıinde kólik aıdaý. Osy jaǵdaıǵa baılanysty barlyq kólik júrgizýshilerine jáne jolaýshylarǵa dabyl qaǵamyz. Jol ústinde barynsha muqıat jáne jaýapkershilikti bolyńyzdar, - deıdi ol.

Jol-kólik oqıǵalarynyń 73% -y jergilikti joldarda jáne jol jelisinde tirkelse, qalǵan 27%-y respýblıkalyq joldarda oryn alǵan. Anyqtalǵan oqıǵa sebepterine sáıkes jyl basynan 41 myńǵa jýyq oqıǵa kólik júrgizýshileriniń kúnásinan bolǵan. Onyń 500-den astamy mas kúıinde aıdaǵan.

Sonymen birge, kúre joldar ótetin aýdandardaǵy eldi mekender tusynda avtokólikterdiń malmen qaqtyǵysýy da kóbeıgen. Mundaı jaǵdaılarǵa joldardy tósegende maldyń ótýine arnalǵan ótpelerdiń durys ornalaspaýymen birge turǵyndardyń tórt túlikti qaraýsyz qaldyrýynan,- deıdi mamandar.

Departament  Almaty oblysyny ákimdiginiń qoldaýymen joldardyń sapasyn jaqsarýǵa, jaryqtandyrýǵa jáne jol belgilerin qoıýǵa baǵyttalǵan jumystar júrgizýde. Sondaı-aq, sáýir aıynyń 2 jáne 15 aralyǵanda oblysta jol-kólik oqıǵalaranyń oryn alýynyń basty faktorlarynyń aldyn alý aıasynda,  «Qaýipsiz jol» jedel aldyn alý sharasy ótpek.