Aldaǵy kezekten tys prezıdent saılaýyna qoǵamdyq monıtorıń júrgizilmek. Bul mindetti atqaryp shyǵý jańadan qurylǵan "Amanat" azamattyq platformasyna tapsyryldy.

Túrli qoǵamdyq uıymdar men qozǵalystardyń músheleriniń basyn biriktirgen top saıası naýqanǵa barynsha belsene qatysýǵa bel býyp otyr.

"Amanat" azamattyq platformasy naýqan kezinde 10 myńnan astam qyzmetkermen jumys jasaýǵa bel býyp otyr. Osylaısha atalmysh azamattyq platforma saılaý kezinde ár ýchaskege bir ókil jiberýge qaýqarly ekenin tanytty.

Bul – azamattyq uıymnyń bir ǵana mindeti.

Sonymen qatar, olar áleýmettik jelide daýys berýshilerdi daıyndaý, olardy ýaqytyly aqparattanydyryp otyrý sıaqty jaýapkershilikterdi de ózderine júktep otyr.

"Qazirgi naýqanda stýdentterdiń jaǵdaıy qalaı bolmaq? Olar osy ýaqytqa tuspa-tus emtıhan tapsyrady. Daýysty turǵylyqty meken-jaıynan beredi me áldi oqý oryny ornalasqan qaladan ba? Osynyń bárin naqtylaý qajet. Sonymen qatar, saılaý shekaralary qatty aýysyp jatyr. Sheteldegi qandastardyń daýys berýge degen daıyndyǵy qanshalyqty jetkilikti deńgeıde?" - dep pikir bildirdi Murat Ábenov.

Aldaǵy saılaý naýqanyna daıyndyqty nyǵaıtý "Amanatqa»"júkteldi. Al atalǵan azamattyq platforma bolsa, amanatqa qıanat jasamaýǵa ázir.

Usynǵan: Ádilet Mádenıet