Aral aýdanynda aqyn, jazýshy Meshitbaı Quttyqovtyń 85 jyldyǵyna arnalǵan «Araldy súıý kerek qaıtqanda da» atty ádebı-áýendi kesh ótti dep jazady Qamshy.kz aqparat agenttigi kyzylorda-news.kz saıtynyń deregin negizge alyp.
Ádebıet janrynyń barlyq túrine qalam terbegen aqynnyń shyǵarmashylyǵyna arnalǵan sharanyń shymyldyǵy aqynnyń ómir estelikterimen túrildi. Odan ári ádebı keshke qatysqan aýdan ákiminiń orynbasary Bektemir Jumaǵulov aqynnyń tulǵalyq kelbetine, shyǵarmashylyq jolyna toqtala kele aqynnyń urpaqtaryna izgi lebizin bildirdi.
Sonymen qatar, kesh barysynda qalamgerdiń rýhanı inileri atanyp ketken Ánes Áýezov pen Jumabaı Jaqyptar da aqynnyń sanaly ǵumyrynda jasaǵan eren eńbekterin ortaǵa salyp, estelikterimen bólisti. Sondaı-aq, Meshitbaı Quttyqovtyń shyǵarmalaryn mektep qabyrǵasynda keńinen nasıhattaý qajet ekendigin tilge tıek etti. Aqyn Meshitbaı Quttyqovty eske alýǵa arnalǵan kesh sońy konsertke ulasty.
Usynǵan: Ásel Bolatqyzy
Pikir qaldyrý