«Qaraǵandy qalasynyń mádenıet jáne tilderdi damytý bólimi» memlekettik mekemesiniń uıymdastyrýymen qazaq poezıasy men óneriniń tarıhynda orny erekshe ánshi, asa daryndy sazger, asqaq úndi aqyn, sal-serilik ónerdiń tóresi "Án bulbuly – Birjan sal" atty kesh uıymdastyryldy dep jazady Qamshy.kz aqparat agenttigi qazaquni.kz saıtynyń deregin negizge alyp.  

Shyǵarmashylyq keshte Birjan saldyń  san-qyryn tolyǵymen ashyp, kórermenniń kóńiline umytylmastaı áser qaldyrý maqsatynda aqynnyń boıyndaǵy, keıingi urpaqqa mura bolyp qalǵan óneri kórsetildi.

Bar ónerdi janyna serik etken Birjan saldyń shoqtyǵy bıik týyndylary halyq nazaryna usynyldy. Keshte Nur-Sultan qalasynan Qazaqstannyń eńbek sińirgen ártisi, Parasat jáne Qurmet ordenderiniń ıegeri, ánshi, prodúser-Maıra İlıasova, Qazaqstannyń eńbek sińirgen qaıratkeri,profesor Aıtbek Nyǵyzbaev,Nurbolat Qusaıynov, Aıbek Rymǵalı, Ánýar Adambaev, Azamat Túsipbekov, Syrym Muhamedjan syndy ánshiler saxnada óner kórsetti.

Sonymen qatar Birjan men Sara aıtysyn «Aıtys» ónerin boılaryna serik etken, Sulýjan Taýbaldy – Muhamedjan Mansýrov kelip, halyqqa tartý etti.

Usynǵan: Ásel Bolatqyzy