Bas prokýratýra azamattarǵa ruqsat etilmegen mıtıńige shyqqandar jaýapqa tartylatynyn eskertti dep habarlaıdy Qamshy.kz aqparat agenttigi Azattyq Radıosyna silteme jasap. Bul týraly Bas prokýratýra saıtynda dúısenbi kúni, ıaǵnı 29 sáýirde Bas prokýror orynbasary Marat Ahmetjanovtyń eskertý jazylǵan úndeýi  jarıalanǵan.

Bas prokýratýranyń jazýynsha, quqyq qorǵaý organdary zańsyz mıtıńige shyqqandarǵa tıisti shara qoldanylady. "Mundaı aksıaǵa qatysýǵa shaqyrǵandar, uıymdastyrǵandar ne qatysqandar Ákimshilik quqyq buzýshylyq týraly kodekstiń 488-babymen jaýapqa tartylady", - dep eskertken.

"Áleýmettik jeliler men messendjerlerde 1 mamyrda ruqsat etilmegen mıtıńige qatysýǵa shaqyrý jazbalary tarap jatyr. Mundaı aksıalarǵa qatysqandardyń áreketi beıbit jıyndar men mıtıńilerdi uıymdastyrý jáne ótkizý tártibi týraly zańdy buzý dep tanylady", -  dep jazylǵan úndeýde.

Esterińizge sal ketsek, Almaty soty Qazaqstan Konstıtýsıasynan sıtata ilgen Roman Zaharovty usaq buzaqylyq babymen 5 táýlikke qamaǵan bolatyn. Zaharov ilgen bannerde Konstıtýsıanyń 3-baby 1-tarmaǵyndaǵy "Memlekettik bıliktiń birden-bir bastaýy - halyq" degen sóz jazylǵan.