Qazaqstan halqy Assambleıasynyń "Parasat" qaıyrymdylyq qyzmetin úılestirý ortalyǵy elordalyq Dostyq úıinde jumys isteıdi dep habarlaıdy Qamshy.kz aqparat agenttigi QHA saıtyna silteme jasap.

Ortalyqtyń ashylýyna oraı uıymdastyrylǵan is-sharaǵa elordalyq assambleıanyń etnomádenı jáne jastar birlestikteriniń basshylary, Qazaqstan halqy Assambleıasy Mesenattar klýbynyń músheleri men qalanyń qaıyrymdylyq qorlarynyń ókilderi qatysty.

Kezdesý aıasynda Nur-Sultan qalasynyń Qazaqstan halqy assambleıasy Hatshylyǵynyń meńgerýshisi Lázzat Qusaıynova qatysýshylardy qaıyrymdylyq isindegi jańa kezeńniń bastalýymen quttyqtady.

Nur-Sultan Qazaqstan halqy assambleıasy basshysynyń orynbasary Elbasy – QHA Tóraǵasy Nursultan Nazarbaevtyń tapsyrmasy boıynsha Assambleıaǵa Mesenattar qaýymdastyǵynyń bas úılestirýshisiniń róli bekitilgenin atap ótti.

"Assambleıa – bul qala boıynsha qaıyrymdylyq qyzmettiń úılestirýshi organy. Biz qaıyrymdylyqpen aınalysatyn barlyq uıymdarmen yntymaqtastyqta jumys isteıtin bolamyz", – dedi spıker.

Sonymen qatar árbir adamnyń dinı nanym-senimine qaramastan ıgi is jasaýǵa degen boryshy týraly «Yryskeldi qajy» meshitiniń ımamy Iahıa qajy Ismaılov aıtyp ótti.

Al Qazaqstan Respýblıkasynyń "Vaınah" sheshen-ıngýsh qoǵamynyń mádenıetin damytý Qaýymdastyǵy" zańdy tulǵalar birlestiginiń Basqarma múshesi Iýsýp Kelıgov Elbasynyń Qazaqstan halqy Assambleıasy bazasynda qaıyrymdylyq qyzmetin bekitý týraly bastamasynyń mańyzdylyǵyn atady.

Búgin, spıkerdiń aıtýynsha, Assambleıanyń "Qaıyrymdylyq kerýeni" jobasy turaqtylyq taýyp, oǵan «Parasat» ortalyǵynyń ashylýy sebep boldy.

Kezdesý barysynda basqa da qatysýshylar óz oılaryn ortaǵa saldy.

İs-shara sońynda qaıyrymdylyq kómek kórsetip júrgen mesenattar Alǵys hattarmen marapattaldy.

Lázzat Qusaıynovanyń sózinshe, bul adamdar qaıyrymdylyq kómek kórsetý arqyly "óz jandarynyń jomarttyǵymen bólisip" júrgen adamdar.

Sonymen qatar "Dýstlık" Qazaqstan Respýblıkasy ózbekter qaýymdastyǵy tóraǵasynyń orynbasary, kásipker jáne mesenat Hasan Sháripov, "Vaınah" sheshen-ıngýsh etnomádenı ortalyǵy» qoǵamdyq birlestiginiń tóraǵasy, kásipker jáne mesenat Bashır Solsanov, Nur-Sultan qalasynyń Qazaqstan halqy assambleıasy Analar keńesiniń múshesi Roza Qurasheva, kásipker jáne mesenattar Daýt Genhýzov pen Yrza Tursynzada qalalyq assambleıa Hatshylyǵynyń meńgerýshisiniń qolynan Qurmet gramotasyn aldy.

Usynǵan: Ádilet Mádenıet