"Órleý" BAUO AQF QR BBJ QBARI bazasynda "HHİ ǵasyrdaǵy eresekterge bilim berý: zamanaýı úrdister" taqyrybynda Reseı, Qyrǵyzstannyń bilim berý salasy ǵalymdary, respýblıkanyń biliktilikti arttyrý ınstıtýttarynyń basshylary men profesor-oqytýshylyq quramy, oblystyq (qalalyq) bilim basqarmasynyń mamandary, JOO, tehnıkalyq jáne kásiptik bilim berý, jalpy bilim beretin mektep, mektepke deıingi bilim berý uıymdary basshylary men pedagog kadrlarynyń qatysýymen respýblıkalyq forým ótti. Forýmǵa 140 -qa jýyq bilim berý uıymdarynyń mamandary qatysty.
Forýmnyń maqsaty Qazaqstan Respýblıkasynda pedagogıkalyq qyzmetkerlerge qosymsha kásibı bilim berý júıesinde pedagogterdiń kásibı quzyrettiligin, áleýmettik bedelin arttyrý jáne qosymsha kásibı bilim berý júıesiniń máseleleri, damý bolashaǵy men bilim berý baǵdarlamalaryn júzege asyrýdyń tıimdi praktıkalyq tájirıbesin kórsetý boldy.
İs- sharany "Órleý" BAUO AQ Basqarma tóraıymy, pedagogıka ǵylymynyń doktory, profesor Gýlnas Kenjetaıqyzy Ahmetova kirispe sózimen ashyp, búgingi sharanyń XXI ǵasyrdaǵy eresekterge bilim berýdegi zamanaýı syn-qaterler men trendterdi anyqtaýda mańyzdy ekendigin atap aıtty.
BBJ QBARI dırektory, pedagogıka ǵylymynyń doktory, profesor Jansáýle Álıqyzy Maqatova forýmnyń jumys kestesi men spıkerlerdi tanystyryp, tabysty nátıje tiledi.
Forýmnyń alǵashqy baıandamasynda Ahmet Baıtursynuly atyndaǵy Til bilimi ınstıtýtynyń Qoldanbaly lıngvısıka bóliminiń meńgerýshisi, profesor A.A Jańabekova qazaq jazýyn latyn qarpine kóshirýdiń alǵysharttaryn atap, búginde júrgizilip jatqan sharalarmen tanystyrdy. Máskeý qalasy «Kásibı qosymsha bilim berý ǵylymı-zertteý ınstıtýtynyń» ǵylymı-ádistemelik jumystary jónindegi orynbasary L.O. Andropova zamanaýı qajettilikterge saı qashyqtyqtan oqytý formatynda pedagogterdiń biliktiligin arttyrýdyń ınovasıalyq tehnologıalaryn tanystyryp, tájirıbesimen bólisti.
Qyrǵyz Respýblıkasynyń kásibı qosymsha bilim berýdegi tájirıbesi men damý bolashaǵy týraly Qyrǵyzstandaǵy pedagogıkalyq qyzmetkerlerdiń biliktiligin arttyrý jáne qaıta daıarlaý respýblıkalyq ınstıtýtynyń ǵylymı hatshysy A. B. Elebesova baıandama jasady. Memlekettik emes bilim berý uıymdarynyń Respýblıkalyq Asosıasıasynyń tóraıymy, "Zerdesh" zıatkerlik mektebiniń dırektory R. Sh. Sadyqova Qazaqstan Respýblıkasy bilim berý júıesindegi tabysty ózara yntymaqtastyq pen shyǵarmashylyq jasaý tájirıbesimen bólisti. QR pedagogıkalyq JOO qosymsha bilim berýdiń máseleleri jaıynda Abaı atyndaǵy Qazaq ulttyq pedagogıkalyq ýnıversıtetiniń Biliktilikti arttyrý jáne qashyqtyqtan bilim berý ınstıtýtynyń dırektory A.A Semchenko sóz sóıledi.
ISO 9001 — Bilim berý sapasy menedjmentin basqarýdyń halyqaralyq erejeleri men sala jańalyqtarymen «Sapa menedjmenti qazaq akademıasynyń» Prezıdenti, t.ǵ.d., profesor V.I Solovev., QR ınklúzıvti bilim berý jaǵdaıynda ata-analardyń daıyndyǵy jáne áleýmettik-psıhologıalyq róli jaıynda QR Pedagogıkalyq ǵylymdar akademıasynyń múshesi, psıhologıa ǵylymdarynyń doktory, profesor R. B. Karımova bólisti. HHİ ǵasyrdaǵy adamı kapıtaldy damytýdyń ózekti máselelerin EDTECH bilim berý ortalyǵynyń dırektory, PhD doktory Ǵ. B. Beısembaev qozǵady. Inventive robot tehnıkasy akademıasynyń dırektory, BOZBALA robot tehnıkasy jıyntyǵynyń negizin qalaýshy D. T. Rahatov Qazaqstandaǵy bilim berý robot tehnıkasynyń damý bolashaǵy máselesine toqtaldy. Sonymen qatar, forýmda STEM-bilim berý: máseleleri jáne bolashaǵy, Qazaqstan Respýblıkasynda pedagogtardyń biliktiligin arttyrý júıesiniń zamanaýı trendi qarastyryldy.
Qoryta aıtqanda, Respýblıkalyq forým bilim berý salasyndaǵy kóshbasshylardy biriktirdi, Jańa formattaǵy pedagogtardyń biliktiligin úzdiksiz arttyrýdyń jańa modeliniń mánin ashýǵa múmkindik berdi, XXI ǵasyrdaǵy eresekterge bilim berýdegi zamanaýı trendterin anyqtap, bolashaǵyn aıqyndady.
Aǵıma Mahanbetova,
"Tárbıe jáne tulǵany áleýmettendirý kafedrasynyń"
meńgerýshisi, pedagogıka ǵylymdarynyń kandıdaty.
