Ǵalamtorda bıeniń aıǵyrdy bir teýip óltirgeni jaıly vıdeo keńinen taralyp jatyr dep habarlaıdy Qamshy.kz aqparat agenttigi.

Vıdeonyń naqty qaı elde túsirilgeni belgisiz. Degenmen, túsirip turǵan adamnyń sózinen Meksıka elinde túsirilgen bolýy yqtımal degen joramal bar. 

Vıdeodan malshylardyń jylqylardy shaǵylystyrmaq bolǵanyn baıqaımyz. Alaıda, aspanǵa sekirip turǵan aıǵyr úshin bul "kezdesý" qaıǵyly aıaqtaldy. 

Kadrdan áldekimderdiń bıeni qashaǵa kirgizip, tynyshtandyrmaq bolǵany anyq kórinip tur. Biraq bıe adamdy aınala shaýyp, aıǵyrdy bir tebedi. Aıǵyrdyń sulap túskenine qarap, soqqynyń óte jaısyz tıgenin baıqaýǵa bolady. Sebebi, aıǵyr sulap túsip, aqyrǵy únin shyǵaryp, sespeı qatty. 

Pikir jazǵan qoldanýshylar ókinish bildirip, jylqyshylardy synǵa aldy. Kóptegen adamnyń pikirinshe, aıǵyr adamdardyń salǵyrttyǵynan ólgen.

Aıǵyrdyń asyl tuqymnan ekendigin vıdeo avtorynyń "anaý-mynaý emes, 30 myń dollar turady" degen sózinen ańǵarýǵa bolady.

Usynǵan: Maqpal Sembaı