AQSH-tyń Vashıngton qalasynyń turǵyny 64 jastaǵy kúıeýiniń joǵalyp ketkeni týraly polısıaǵa shaǵymdanǵan. Saıahattap ketken er adam belgilengen ýaqytta úıine oralmaǵan. Tótenshe jaǵdaı qyzmetkerleri men eriktiler ormandy bir kún boıy kezip, er adamnyń máıiti men onyń ıtin taýyp aldy.

Joǵalyp ketken jıhankezdiń áıeli beker kúdiktenbepti. Ádettegidaı ol orman sharlap ketedi de, qaıta oralmaıdy. Osydan keıin ormanǵa birneshe izdeý otrádtary jiberilip, sharalar uıymdastyryldy. Saıahatshynyń kóligin taýyp alý qıynǵa soqpady. Jol jıeginde turǵan kóliktiń ishinen er adamnyń jetýge josparlaǵan núkteleriniń kartasy tabylǵan.

Kartada kórsetilgen árbir aımaqty muqıat tekserý óte kóp ýaqytty aldy. Biraq qutqarýshylardyń biriniń qulaǵyna alystan ıttiń úrgen daýysy talyp estiledi. Iesi Deızı dep ataǵan ıttiń daýysyn betke alǵan otrád jarty saǵattaı ýaqyt ótkende oǵan jetedi. Atalǵan mejede ıt ıesiniń janynan bir taban da jyljymaı kúzetip otyrypty.

Tilsiz maqulyqtyń osynsha adaldyǵy qutqarýshylardyń da, eriktilerdiń de kóńilin bosatty. Onyń ústine saıahatshy dúnıeden ótip ketken bolyp shyqty. Máıit kúzetken ıt bolmasa, onyń múrdesi de tabý qıynǵa soqqandaı eken.

Zertteýler qorytyndysynda er adamnyń bıiktikten qulap, sodan alǵan jaraqattan qaıtys bolǵany naqtylandy.

Aýdarǵan: Ádilet Mádenıet