Bıyl Otan qorǵaýshylar kúnine arnalǵan áskerı parad bolmaıdy. Qarýly kúshterdiń bólimsheleri daıyndyqtaryn oqý-jattyǵý kezinde  kórsetti dep habarlady QR Qorǵanys mınıstrliginiń baspasóz qyzmetine silteme jasap.

"Otan qorǵaýshylar kúnine oraı áskerı parad ótkizý josparlanyp otyrǵan joq",- dep jazylǵan Qorǵanys mınıstrliginiń jaýabynda.

Bıyl Qarýly kúshter bólimsheleri paradynyń ornyna "Aıbalta 2019" strategıalyq komandalyq-shtabtyq oqý-jattyǵýy ótti. Ol Almaty oblysyndaǵy "Qaratal" polıgonynda uıymdastyrylǵan bolatyn.

"Áskerı sherýden bas tartýdyń aıtarlyqtaı sebebi joq. Bizde sherýdi jyl saıyn ótkizý kerek degen reglament joq. Bıyl Qarýly kúshter bólimsheleri paradynyń ornyna "Aıbalta 2019" strategıalyq komandalyq-shtabtyq jattyǵýy ótti. Jattyǵý kezinde qazaqstandyq ásker óziniń kúsh-qýatyn kórsetti", - dedi Qorǵanys mınıstrliginiń baspasóz hatshysy Serik Boranbaev.

Bıyl "Aıbalta 2019" oqý-jattyǵýy aýqymdy boldy. Oǵan segiz myń áskerı qyzmetker, bir jarym myńnan astam jerdegi tehnıka men 50-den astam áýe tehnıkasy qatysty.

Túrli óńirlerden jınalǵan Qazaqstannyń Qarýly kúshter bólimsheleri eki apta boıy el aýmaǵyna kirgen qarýly toptardy joıý boıynsha jattyǵyp, daıyndyqtaryn pysyqtady.

Oqý-jattyǵý aıaqtalǵan soń, Qazaqstan prezıdenti Qasym-Jomart Toqaev áskerdiń daıyndyǵyna joǵary baǵa berdi. Qarýly kúshterdiń bedelin nyǵaıta túsý úshin memleket tarapynan qoldaý kórsetýdi jalǵastyratynyn aıtty.

Usynǵan: Ádilet Mádenıet