Qamshy.kz aqparat agenttigi oqyrman nazaryna kez kelgen jandy ózine qyzyqtyryp, qarapaıym saıahatshyny shytyrman oqıǵa izdegen jıhankezge aınaldyryp jiberetin álemdegi erekshe 13 jerdi usynady.
- Arýbadaǵy qoqıqazdardy tamaqtandyrýǵa qalaı qaraısyz? Jerdegi jumaqtaı bul araldan ǵajaıyp qusty jyl boıy kórip, tamaqtandyra alasyz.
2. "Kóne Gonkong» (Kasavakı, Japonıa). Bul HH ǵasyrdyń sońyndaǵy erekshe qylmystyq qala-qamal Koýlýnnyń kóshirmesi sekildi. Qalany «salýshylar» bárin búge-shigesine deıin dál jasaýǵa, shynaıy kórinisin keltirýge tyrysqan. Sondyqtan, ony aralaǵanda, qýys-qýysyna deıin ózińizdi qyzyqtyratyn nárse taba alatynyńyz aıdan anyq.
3.Portýgalıadaǵy Madeıra aralynyń tamasha tabıǵaty men múlgigen tynyshtyǵy týraly estigen de shyǵarsyz. Alaıda, ol tek bergi jaǵy ǵana. Munda sizdi qyzyqtyratyn jerlerdiń kóptigi sonsha, tańdaı qaǵyp, tań-tamasha bolar edińiz.
4.HİV ǵasyrǵa tıesili Irandaǵy óte ádemi aınadaı kesene Shah-CHerah.
5. Fransıanyń Akvıtanıa provınsıasynda ornalasqan ǵajaıyp qum tóbe – Pıla. Bul jer munda tórt myń jyldan beri bar deıdi.
6.Chehıadaǵy «Shveısarıa bogeminiń» tabıǵaty kez kelgenniń basyn aınaldyryp, sózsiz, tań qaldyrady.
7. Gonkong, Lantaýda ornalasqan Býddanyń úlken músini. Alyp músinge aparar jolda tamasha tabıǵattyń, taý men sarqyramanyń kórinisine kóz tastap, taza aýamen tynystap, keremet saıahatty bastan keshetinińiz anyq.
. 8.Irlandıadaǵy «Jańarý krateri». Adamdar qolymen ornatylǵan qurylys saıahatshylardyń qyzyǵýshylyǵyn arttyrǵan ataqty orynǵa aınalǵan. Kóptegen saıahatshy osynda kelýdi armandaıdy.
9.Ońtústik Koreıa, Chedjýdodaǵy Hallasan janartaýy. Bul sóngen janartaý tabıǵattyń eskertkishi bolyp sanalady. Onyń kraterinde keremet kól paıda bolǵan.
10.AQSH, Kalıfornıadaǵy Herst saraıy men onyń haýyzy. Bul keremet saraı búginde kóp adam kórýge qumartqan ulttyq kórneki jerlerdiń birine aınalǵan. Sebebi, munda adamdy qyzyqtyrar dúnıeler óte kóp.
11.Meksıkadaǵy Jylan-úı. Ketsalkoatl — astekterdiń qudaılarynyń biri. Dál osy alyp qus dızaıner Haver Senosıanǵa saıahatshylarǵa arnalǵan keshen salýǵa oı salǵan eken.
12.Dýbaıdaǵy ǵajaıyptar baqshasy — gúlderdiń álemdegi eń úlken saıabaǵy. Ol shól dalanyń ortasynda salynǵan. Bir kórgennen barǵyńyz kelip ketti me?
13.Kolýmbıa, Makarenadaǵy Kano-Krıstales ózeni. Negizi sýdyń ózi tup-tunyq. Biraq baldyrlardyń áserinen ártúrli túske boıalyp turady. Oǵan qosa, ózenniń keıbir jerleri tereńdeý. Ol jerlerge djakýzıde jatqandaı jatýǵa da bolady.
Usynǵan: Maqpal Sembaı
