Arys qalasyna kómek kórsetý úshin 53 gýmanıtarlyq kómek qabyldaý pýnkteri ashyldy dep habarlaıdy Qamshy.kz aqparat agenttigi Almaty oblysy ákiminiń baspasóz qyzmetine silteme jasap. 

Oblys ákiminiń sózine sózinshe Arystaǵy aǵaıyndy qoldaýǵa jetisýlyqtar judyryqtaı jumylyp atsalysýda. Máselen, bul iske memlekettik qyzmetkerler ǵana emes, kásipkerler men qoǵamdyq uımdar jáne oblystyń qarapaıym turǵyndary da ún qosýda.

«Gýmanıtarlyq kómek qabyldaý pýnkterine oblys turǵyndary óz erikterimen alǵashqy qajetti azyq-túlik pen zattar jáne qarajat jınaýdy uıymdastyrýda. Búgingi kúni qabyldaý pýnkteri belsendi jumysqa kirisken. Nátıjesinde, alǵashqy qajetti azyq - túlik, qurylys zattary 26 maýsym kúni Almaty oblysynan Túrkistan oblysynyń Arys qalasyna gýmanıtarlyq kómek tıelgen quny 56,4 mln. teńge bolatyn 10 avtokólikten turatyn birinshi kerýen jetip, tabystaldy. Búginde qosymsha 17,0 mln. teńgeniń zattary jınaqtaldy», - dedi Amandyq Batalov.

Aıta keterlik, Almaty oblysynyń memlekettik qyzmetkerleri men búdjettik meekeme ókilderi óz erikterimen bir kúndik eńbek aqylaryn kómekke arnap, jalpy sommasy 40 mln. teńgeni quraǵan qarjyny arnaıy shotqa aýdarǵan. Budan bólek, oblystyń kásipkkerleri, sharýa qojalyqtary men qoǵamdyq uıymdary 50 mln. teńge kóleminde qarjyny «Túrkistan»
áleýmettik qorynyń esep shotyna jóneltipti.